ୱାଶିଂଟନ : ଆମେରିକାର ବିଭିନ୍ନ ପ୍ରଦେଶରେ ଶକ୍ତିଶାଳୀ ଘୂର୍ଣ୍ଣିଝଡ଼ ହେବା ଯୋଗୁଁ ୧୯ ଜଣଙ୍କର ମୃତ୍ୟୁ ହୋଇଥିବାବେଳେ ଶତାଧିକ ଆହତ ହୋଇଛନ୍ତି। ଘୂର୍ଣ୍ଣିଝଡ଼ ଓ ତୋଫାନରେ ଅନେକ ଘରଦ୍ବାର ଓ ଏକ ଟ୍ରକ ରହଣି କେନ୍ଦ୍ର ସମ୍ପୂର୍ଣ୍ଣ ନଷ୍ଟ ହୋଇଯାଇଛି। ଆମେରିକାର ଟେକ୍ସାସ, ଓକଲାହୋମା, ଅରକାନସାସ୍ ଓ କେଣ୍ଟୁକି ପ୍ରଦେଶରେ ସୋମବାର ଏହି ଝଡ ଓ ବର୍ଷା ହୋଇଛି। ଉତ୍ତର ଡଲାସ ଠାରୁ ଅରକାନସାସ୍ର ଉତ୍ତର-ପଶ୍ଚିମାଞ୍ଚଳ ପର୍ଯ୍ୟନ୍ତ ଅଞ୍ଚଳ ଝଡ ବର୍ଷାରେ କ୍ଷତିଗ୍ରସ୍ତ ହୋଇଛି। ଏହି ଝଡ ତୋଫାନକୁ ନେଇ କେଣ୍ଟୁକି ଗଭର୍ଣ୍ଣର ଆଣ୍ଡି ବେସହର ରାଜ୍ୟରେ ଜରୁରୀକାଳୀନ ପରିସ୍ଥିତି ଘୋଷଣା କରିଛନ୍ତି। ସୋସିଆଲ ମିଡିଆ ଏକ୍ସରେ ପୋଷ୍ଟ ଜରିଆରେ ଗଭର୍ଣ୍ଣର ଆଣ୍ଡି ଜରୁରୀକାଳୀନ ପରିସ୍ଥିତି ସମ୍ପର୍କରେ ସୂଚନା ଦେଇଛନ୍ତି। ସେହିପରି ଟେକ୍ସାସ ଗଭର୍ଣ୍ଣର ଗ୍ରେଗ୍ ଆବୋଟ୍ ଝଡ ବର୍ଷା ସମ୍ପର୍କରେ ସୂଚନା ଦେବା ସହ ରାଜ୍ୟରେ ୭ଜଣଙ୍କର ମୃତ୍ୟୁ ହୋଇଥିବା କହିଛନ୍ତି। ଟେକ୍ସାସ ପ୍ରଦେଶରେ ପ୍ରାୟ ୧୦୦ଜଣ ଆହତ ହୋଇଥିବାବେଳେ ୨୦୦ ଘର ନଷ୍ଟ ହୋଇଛି। ରାଜ୍ୟର ହଜାର ହଜାର ଲୋକ ଏବେ ଅନ୍ଧକାରରେ ରହିଛନ୍ତି। ଅରକାନସାସ୍ ଗଭର୍ଣ୍ଣର ସାରାହ ହୁକାବେ ସାଣ୍ଡସ୍ କହିଛନ୍ତି ଯେ ଝଡ ବର୍ଷା ଯୋଗୁଁ ରାଜ୍ୟରେ ୮ଜଣଙ୍କର ମୃତ୍ୟୁ ହୋଇଛି। ଓକଲାହୋମାର ମାଇସ୍ କାଉଣ୍ଟିରେ ୨ଜଣଙ୍କର ମୃତ୍ୟୁ ହୋଇଛି। କେଣ୍ଟୁକି ପୁଲିସ କହିବା ଅନୁଯାୟୀ ଗଛ ପଡିବା କାରଣରୁ ଜଣଙ୍କର ମୃତ୍ୟୁ ହୋଇଛି।
Popular Categories
Previous article
Next article