ଫୁଲବାଣୀ:କନ୍ଧମାଳ ଜିଲାର ମାଓ ପ୍ରଭାବିତ ଗ୍ରାମ ସିନ୍ଧିପୋଙ୍କଲ, ଡାଙ୍ଗେସିଗୁଡ଼ା, ଝିରିପାଣି ଜୁବାଗୁଡ଼ା ଏବଂ ସୁବର୍ଣ୍ଣଗିରି ଅଞ୍ଚଳର କୋଠଗଡ଼଼ ଏବଂ ତୁମୁଡ଼ିବନ୍ଧ ବ୍ଲକର ଦୂରଦୂରାନ୍ତ ସ୍ଥାନରେ ୧୨୭ ବଟାଲିୟନ ସିଆରପିଏଫ ପକ୍ଷରୁ ଏକ ଜନ ସଂପର୍କ ଶିବିର ଆୟୋଜନ କରାଯାଇଥିଲା। ଏହି ଶିବିରରେ ବିଭିନ୍ନ ପ୍ରକାରର ତାଲିମ କାର୍ଯ୍ୟକ୍ରମ ଆୟୋଜିତ ହୋଇଥିଲା। ଆଭ୍ୟନ୍ତରୀଣ ଅଞ୍ଚଳର ଗରିବ ଏବଂ ଅସହାୟ ଲୋକମାନଙ୍କୁ ବିଭିନ୍ନ ଉପକରଣ ପ୍ରଦାନ କରାଯାଇଥିଲା। ଏହାସହିତ ସିଲାଇ ମେସିନ୍, କାଗଜ ପ୍ଲେଟ୍ ମେସିନ୍, ଅଗରବତୀ ତିଆରି ମେସିନ୍ ଏବଂ ସାମଗ୍ରୀ ସହିତ ମହମବତୀ ତିଆରି ତାଲିମ ମଧ୍ୟ ଦିଆ ଯାଇଥିଲା।
୧୨୭ ବଟାଲିୟନର କମାଣ୍ଡାଣ୍ଟ ପଙ୍କଜ ବର୍ମା ଏବଂ କେ.କେ କହଁର, ଏସ. ଏମ. ବେହେରା, ଦ୍ବିତୀୟ କମାଣ୍ଡ ଅଶୋକ କୁମାର, ଡିସି ଏବଂ ୧୨୭ ବଟାଲିୟନ ସିଆରପିଏଫର ଅନ୍ୟ ଅଧିକାରୀ ଏବଂ କର୍ମଚାରୀ, ଉପାଧ୍ୟକ୍ଷ, ସରପଞ୍ଚ, ଏସବିଆଇ ବ୍ୟାଙ୍କ ମ୍ୟାନେଜର ପ୍ରମୁଖ ଉପସ୍ଥିତ ଥିଲେ। କମାଣ୍ଡାଣ୍ଟ ସିଆରପିଏଫ ଯୁବକ ଏବଂ ଗ୍ରାମବାସୀଙ୍କୁ ସରକାରଙ୍କ ବିଭିନ୍ନ ଯୋଜନା ବିଷୟରେ ଅବଗତ କରାଇଥିଲେ। ଭାରତ ସରକାରଙ୍କ ଦ୍ୱାରା ମାଓ ପ୍ରଭାବିତ ଅଞ୍ଚଳର ଆଦିବାସୀଙ୍କ ପାଇଁ ସରକାରୀ ନୀତିଯୋଜନା ବିଷୟରେ ସଂକ୍ଷିପ୍ତ ସୂଚନା ଦେଇଥିଲେ।
Comments are closed.