ଶ୍ରୀନଗର : ପୁଲୱାମା ଆକ୍ରମଣକୁ ପୁରିଛି ତିନି ବର୍ଷ। ଇତିହାସର ପୃଷ୍ଠାରେ କଳାଦିବସ ଫେବ୍ରୁଆରୀର ସେହି ୧୪ ତାରିଖ। ଆଜି ପୁଲୱାମା ଆକ୍ରମଣର ୩ୟ ବର୍ଷରେ ଲେଥପୋରା ସ୍ଥିତ ସିଆରପିଏଫ କ୍ୟାମ୍ପରେ ସହିଦ୍ ହୋଇଥିବା ୪୦ ଜଣଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରାଯାଇଛି। ଯବାନ,ଅଧିକାରୀ ଓ ଅନ୍ୟ ବୀର ଯବାନଙ୍କୁ ସ୍ମରଣ କରାଯାଇଛି। ସଭିଏଁ ଆତଙ୍କବାଦକୁ ଶେଷ କରିବାକୁ ସଙ୍କଳ୍ପ ନେଇଛନ୍ତି।। ଅଧିକାରୀଙ୍କ କହିବା ଅନୁଯାୟୀ, ଦେଶ କଦାପି ବୀର ଯବାନଙ୍କ ଏହି ବଳିଦାନକୁ ଭୁଲି ପାରିବ ନାହିଁ। ସୋମବାର ହୋଇଥିବା ଏହି ସମାରୋହରେ ବହୁ ବରିଷ୍ଠ ଅଧିକାରୀ ସାମିଲ ରହିଥିଲେ।
୧୪ ଫେବ୍ରୁଆରୀ ୨୦୧୯ରେ ହୋଇଥିବା ଏହି ଆକ୍ରମଣରେ ୪୦ ଜଣ ଯବାନ ସହିଦ ହୋଇଥିଲେ। ସେହିଦିନ ଉକ୍ତ ରାସ୍ତାରେ ଗାଡିରେ ପ୍ରାୟ ୨୫୦୦ ଯବାନ ଯାଉଥିଲେ।
ପୁଲୱାମା ଆକ୍ରମଣର ତୁରନ୍ତ ପରେ ଭାରତୀୟ ବାୟୁ ସେନା ୨୬ ଫେବ୍ରୁଆରୀ ୨୦୧୯ରେ ପାକିସ୍ତାନର ବାଲାକୋଟରେ ଭାରତୀୟ ବାୟୁସେନା ଆତଙ୍କବାଦୀଙ୍କ ଶିବିରକୁ ନଷ୍ଟ କରିଥିଲା।
- Advertisement -
