ମୟୁରଭଞ୍ଜ : ରାଜ୍ୟରେ ଅନେକ ସ୍ଥାନରେ କିଛି ଦିନ ମଧ୍ୟରେ ଜମିବାଡି, ଟଙ୍କା ପଇସା କିମ୍ବା ନିଶା ପାଇଁ ପରିବାର ଲୋକେ ହିଁ ନିଜ ପରିବାର ସଦସ୍ୟକୁ ହତ୍ୟା କରୁଥିବା ଘଟଣା ସାମ୍ନାକୁ ଆସୁଛି। ସେହିଭଳି ପୁଣି ଯଶୀପୁର ଥାନା ଅନ୍ତର୍ଗତ ହାଟ ପଡିଆ ସାହିରେ ଆଜି ଏକ ଅଭାବନୀୟ ଘଟଣା ଘଟିଯାଇଛି। ଜଣେ ନିଶାସକ୍ତ ପୁଅର ଉନ୍ମତ୍ତକାଣ୍ଡ ଦେଖାଯାଇଛି। ମାତ୍ର ୧୦୦ ଟଙ୍କା ପାଇଁ ପିଟିପିଟି ମାଆକୁ ହତ୍ୟା କଲା ପୁଅ। ଫଳରେ ମାଆର ଘଟଣା ସ୍ଥଳରେ ମୃତ୍ୟୁ ଘଟିଛି। ମୃତକ ହେଲେ ସାଳନ୍ଦୀ ନାଏକ । ନିଶା ପାଇଁ ଅଭିଯୁକ୍ତ ପୁଅ ସରୋଜ ମାଆକୁ ଶହେ ଟଙ୍କା ମାଗିବା ପରେ ମାଆ ନ ଦେବାରୁ ଠେଙ୍ଗାରେ ପିଟି ପିଟି ମାଆକୁ ପୁଅ ହତ୍ୟା କରିଛି ବୋଲି ପ୍ରାଥମିକ ତଦନ୍ତରୁ ସୂଚନା ମିଳିଛି। ଖବର ପାଇ ଯଶୀପୁର ଥାନା ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି। ଅଭିଯୁକ୍ତ ପୁଅ ଘଟଣା ସ୍ଥଳରୁ ଫେରାର ହୋଇଯାଇଛି। ଏହି ଘଟଣା ସ୍ଥାନୀୟ ଅଞ୍ଚଳରେ ହଇଚଇ ସୃଷ୍ଟି କରିଛି।
Comments are closed.