ନୂଆଦିଲ୍ଲୀ : ‘ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ଯୋଜନା’ରେ ପ୍ରଥମ ପର୍ଯ୍ୟାୟ ସହାୟତା ରାଶି ଆସନ୍ତା ରବିବାର ଦିନ ପ୍ରଦାନ କରାଯିବ। ଉତ୍ତର ପ୍ରଦେଶ ଗୋରଖପୁରରେ ଆୟୋଜନ ହେବାକୁ ଥିବା କିଷାନ ମହାଅଧିବେଶନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶର ୧୨ କୋଟି ଚାଷୀଙ୍କ ବ୍ୟାଙ୍କ ଖାତାକୁ ୨୫୦୦୦କୋଟି ଟଙ୍କା ପ୍ରଦାନ କରିବେ ।
ପିଏମ୍ କିଷାନ ଯୋଜନା ଦ୍ୱାରା ଚାଷୀଙ୍କୁ ଆର୍ଥିକ ସ୍ତରରେ ସାହାଯ୍ୟ ମିଳବ । ଏହି ଯୋଜନାରେ ପ୍ରାୟ ୭୫ ହଜାର କୋଟି ଟଙ୍କା ଖର୍ଚ୍ଚ ହେବା ନେଇ ଆକଳନ କରାଯାଇଛି । ଯୋଜନା ଜରିଆରେ କୃଷକଙ୍କୁ ବାର୍ଷିକ ୬୦୦୦ ଟଙ୍କା ତିନୋଟି କିସ୍ତିରେ ପ୍ରଦାନ କରାଯିବ । ରବିବାର ଦିନ ପ୍ରଥମ କିସ୍ତି ପ୍ରଧାନମନ୍ତ୍ରୀ ମୋଦୀ ଅର୍ଥ ପ୍ରଦାନ କରିବେ । ଡିବିଟି ମାଧ୍ୟମରେ ଜମାଖତାରେ ସହାୟତା ରାଶି ପ୍ରଦାନ କରାଯିବ। ଏହି ଯୋଜନାକୁ କାର୍ଯ୍ୟକାରୀ କରିବା ପାଇଁ ମୂଳସ୍ତରରେ କାର୍ଯ୍ୟ ସମ୍ପନ୍ନ ହୋଇ ସାରିଥିବା ବିଜେପି ସାଂସଦ ଓ କୃଷକ ମୋର୍ଚ୍ଚାର ରାଷ୍ଟ୍ରୀୟ ଅଧକ୍ଷ ବିରେନ୍ଦ୍ର ସିଂ କହିଛନ୍ତି ।
