ଲକ୍ଷ୍ମୌ – ଚାର୍ଜିଂ ବେଳେ ଅଧିକ ଗରମ ହେବାରୁ ମୋବାଇଲ୍ ଭିତରେ ଥିବା ବ୍ୟାଟେରୀ ବେଳେ ବେଳେ ଫାଟି ଯାଇଥାଏ । ଏହି କାରଣରୁ ଅନେକ ଆହତ ହୋଇଥାଆନ୍ତି । କାହାର କାହାର ମଧ୍ୟ ମୃତ୍ୟୁ ହୋଇଥାଏ । ଏପରି ଏକ ଘଟଣା ଉତ୍ତର ପ୍ରଦେଶର ବରେଲୀରେ ଘଟିଛି । ଚାର୍ଜି ହେଉଥିବା ବେଳେ ମୋବାଇଲ୍ ଫାଟିଯିବାରୁ ୮ ମାସ ଶିଶୁର ମୃତ୍ୟୁ ହୋଇଛି ।
ମୃତ ଶିଶୁର ବାପା ମାଆଙ୍କ ସୂଚନା ଅନୁସାରେ ସେମାନେ ୮ ମାସ ତଳେ ଏହି ମୋବାଇଲ୍କୁ କିଣିଥିଲେ । କିଛି ଦିନ ତଳେ ମୋବାଇଲ୍ର ବ୍ୟାଟେରୀଟି ଫୁଲିଥିଲା । ସୋଲାର ପ୍ୟାନେଲ୍ ଥିବା ଏକ ସକେଟ୍ରେ ଦମ୍ପତ୍ତି ଏହାକୁ ଚାର୍ଜ କରୁଥିଲେ । ମୋବାଇଲ୍ ଫାଟିବାର ଶଦ୍ଦ ଶୁଣି ଶିଶୁର ମା ସେଠାରେ ପହଞ୍ଚି ଶିଶୁଟି ଗୁରୁତର ହୋଇଥିବା ଦେଖିଥିଲେ । ତୁରନ୍ତ ତାଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଥିଲା
ଶିଶୁର ଶରୀରର ଅଧିକାଂଶ ଭାଗ ଜଳିଯାଇଥିଲା । ଏହି କାରଣରୁ ଚିକିତ୍ସାଧିନ ଅବସ୍ଥାରେ ଶିଶୁଟିର ମୃତ୍ୟୁ ହୋଇଛି । ପୁଲିସ ଏବେ ଘଟଣାର ତଦନ୍ତ କରୁଛି ।
Comments are closed.