କଲକାତା: କଲକାତାର ସୈଫା ଖାତୁନ୍ ପଶ୍ଚିମବଙ୍ଗ ମାଧ୍ୟମିକ ଶିକ୍ଷା ପରିଷଦ ଦ୍ୱାରା ପରିଚାଳିତ ମାଟ୍ରିକ ପରୀକ୍ଷା ଦେବେ। ଉଲ୍ଲେଖନୀୟ ହେଲା ଖାତୁନ୍ ସ୍କୁଲ୍ରେ ନାମ ଲେଖାଇ ନାହାନ୍ତି କି ସେଠାରେ ପାଠ ପଢ଼ିନାହାନ୍ତି। ଘରେ ବସି ସେ ଦଶମ ଶ୍ରେଣୀ ପର୍ଯ୍ୟନ୍ତ ପାଠ ଆୟତ୍ତ କରିଛନ୍ତି। ପଶ୍ଚିମବଙ୍ଗରେ ମାଟ୍ରିକ ପରୀକ୍ଷା ପାଇଁ ସର୍ବନିମ୍ନ ବୟସ ସୀମା ୧୪ ବର୍ଷ ରହିଛି। କିନ୍ତୁ ଅଣଛାତ୍ରଛାତ୍ରୀଙ୍କ ମାଟ୍ରିକ ପରୀକ୍ଷା ପାଇଁ ଉଦ୍ଦିଷ୍ଟ ଯୋଗ୍ୟତା ପର୍ଯ୍ୟାୟରେ ଖାତୁନ୍ କୃତକାର୍ଯ୍ୟ ହେବା ପରେ ତାଙ୍କୁ ପରୀକ୍ଷାରେ ବସିବା ପାଇଁ ଅନୁମତି ମିଳିଛି। ବୋର୍ଡ ଅଧ୍ୟକ୍ଷ କଲ୍ୟାଣମୟ ଗାଙ୍ଗୁଲିଙ୍କ କହିବା ଅନୁଯାୟୀ ଖାତୁନ୍ ଯୋଗ୍ୟତା ପରୀକ୍ଷାରେ ଯେତିକି ନମ୍ବର ଆଣିଛନ୍ତି ବିଗତ ଦୁଇ ଦଶନ୍ଧି ମଧ୍ୟରେ ତାହା ଏକ ରେକର୍ଡ।
Popular Categories
Previous article
Next article