ନୂଆଦିଲ୍ଲୀ: ରାସନ କାର୍ଡକୁ ସମ୍ପୂର୍ଣ୍ଣ ଭାବେ ଡିଜିଟାଲାଇଜ ଓ ଏଥିସହ ଆଧାର ନମ୍ବର ସଂଯୋଗ ପ୍ରକ୍ରିୟା ଯୋଗୁ ପ୍ରାୟ ୨.୭୫ କୋଟି ନକଲି ରାସନ କାର୍ଡ ଧରାପଡ଼ିଛି। ରାସନ କାର୍ଡକୁ ଡିଜିଟାଲାଇଜେସନ କରିବା ନେଇ ୨୦୧୩ ଜାନୁଆରୀରୁ ପ୍ରକ୍ରିୟା ଆରମ୍ଭ ହୋଇଥିଲା। ଜାତୀୟ ଖାଦ୍ୟ ସୁରକ୍ଷା ଆଇନ ଅନୁସାରେ, ୨୩.୧୯ କୋଟି ରାସନ କାର୍ଡ ପ୍ରଦାନ କରାଯାଇଛି। ରାସନ କାର୍ଡ ଡିଜିଟାଲାଇଜେସନ ଓ ଆଧାର ସଂଯୋଗ ପ୍ରକ୍ରିୟା ୮୨ ପ୍ରତିଶତ ସରିଛି। ତେବେ ରଦ୍ଦ କରାଯାଇଥିବା ନକଲି ରାସନ କାର୍ଡର ୫୦ ପ୍ରତିଶତ ଉତ୍ତର ପ୍ରଦେଶ ଓ ପଶ୍ଚିମବଙ୍ଗ ରାଜ୍ୟରୁ ରହିଛି। ଏହାବ୍ୟତୀତ ମହାରାଷ୍ଟ୍ର, କର୍ଣ୍ଣାଟକ, ତେଲେଙ୍ଗାନା, ରାଜସ୍ଥାନ, ଛତିଶଗଡ଼ ଓ ମଧ୍ୟପ୍ରଦେଶରେ ମଧ୍ୟ ବ୍ୟାପକ ନକଲି ରାସନ କାର୍ଡ କରାଯାଇଛି।
