ନୂଆଦିଲ୍ଲୀ : ୟୁଟ୍ୟୁବ୍ ଆଣିଛି ଏକ ନୂଆ ଜବରଦସ୍ତ ଫିଚର୍ । ଏହା ୟୁଟ୍ୟୁବ୍ ସପିଙ୍ଗ୍ ନାମରେ ନାମିତ ହୋଇଛି । ଫ୍ଲିପ୍କାର୍ଟ ଓ ମିନ୍ତ୍ରା ସହଭାଗିତାରେ ଏହା ଆରମ୍ଭ ହୋଇଛି । ଏଠାରେ କ୍ରିଏଟର୍ସଙ୍କ ସାହାଯ୍ୟରେ ଜିନିଷ ତାଲିକା କରାଯିବ । ଏହାସହ ଭିଡିଓ ମଧ୍ୟ ଲିଙ୍କ୍ କରାଯିବ। ଜିନିଷ ବିକ୍ରି ପରେ ସେମାନଙ୍କୁ କମିସନ୍ ମଧ୍ୟ ଦିଆଯିବ। ଅର୍ଥାତ୍ ଯଦି ଆପଣଙ୍କର ୟୁଟ୍ୟୁବ୍ ଚ୍ୟାନେଲ୍ ଅଛି, ଏଥିରେ ଜିନିଷକୁ ତାଲିକାଭୁକ୍ତ କରାଯିବ, ସେହି ତାଲିକାରୁ ବିକ୍ରି ହେଲେ କମିସନ୍ ମିଳିବ ।
ଜାଣନ୍ତୁ : ଧନତେରସରେ ମା’ଲକ୍ଷ୍ମୀଙ୍କ କୃପା ପ୍ରାପ୍ତି ପାଇଁ ରାଶି ଅନୁଯାୟୀ କିଣିବେ କେଉଁ ଜିନିଷ..
ୟୁଟ୍ୟୁବ୍ରେ ସପିଙ୍ଗ୍ ଫିଚର୍ର ମଜା ଭାରତୀୟ କ୍ରିଏଟର୍ସଙ୍କୁ ମିଳିବ । ଏହାଦ୍ୱାରା ୟୁଟ୍ୟୁବ୍ ରୋଜଗାର ବୃଦ୍ଧି ହୋଇ ପାରିବ ବୋଲି ଆଶା କରାଯାଉଛି । ଏହି ଫିଚର୍ କ୍ରିଏଟର୍ସଙ୍କୁ ନିଜର ଭିଡିଓରେ ଜିନିଷର ଟ୍ୟାଗିଙ୍ଗ୍ ଦେବା ପାଇଁ ମଧ୍ୟ ସ୍ୱାଧୀନତା ଦେଇଛି । ଜିନିଷ କିଣା ଉପରେ ରୋଜଗାରର ମଧ୍ୟ ସୁଯୋଗ ଦେବ । ତେବେ ୟୁଟ୍ୟୁବ୍ ସଫିଙ୍ଗ୍ ଫିଚର୍ର ଲାଭ ପାଇବା ପାଇଁ ଆପଣଙ୍କ ୟୁଟ୍ୟୁବ୍ ଚ୍ୟାନେଲରେ ୧୦ ହଜାର ସବସ୍କ୍ରାଇବର୍ ଥିବା ଆବଶ୍ୟକ ।
ଜାଣନ୍ତୁ କେମିତି କରିବେ ସପିଙ୍ଗ୍..
ସର୍ବପ୍ରଥମେ ଆପଣଙ୍କୁ ୟୁଟ୍ୟୁବ୍ ଖୋଲିବାକୁ ପଡିବ ।
ଏହାପରେ ଆପଣଙ୍କୁ ୟୁଟ୍ୟୁବ୍ ଷ୍ଟୁଡିଓରେ କ୍ଲିକ୍ କରିବାକୁ ପଡିବ ।
ପରେ ବାମ ପଟରେ ଥିବା Earn ବିକଳ୍ପ ଦେଖିବେ, ଏଥିରେ କ୍ଲିକ୍ କରନ୍ତୁ ।
ଏହାପରେ ଆପଣଙ୍କୁ ପୋଗ୍ରାମ୍ ବିକଳ୍ପ ଉପରେ କ୍ଲିକ୍ କରିବାକୁ ପଡିବ ।
ପରେ Jion Now ବିକଳ୍ପ ଉପରେ କ୍ଲିକ୍ କରିବାକୁ ପଡିବ ।
ଏହାପରେ ଆପଣଙ୍କୁ ନିୟମ ଓ ସର୍ତ୍ତାବଳୀ ବିକଳ୍ପ ଉପରେ କ୍ଲିକ୍ କରିବାକୁ ପଡିବ ।
ଏହାପରେ ନୂଆ ଫିଚର୍ର ବିକଳ୍ପ ଆସିଯିବ ।
ଦେଖନ୍ତୁ ଭିଡିଓ; ନିଜ ଛୁଆକୁ ଭୁଲ୍ରେ ପାଣିରେ ପକାଇଦେବା ପରେ ଏମିତି କଲା ସିଂହୀ..
ପିଲାମାନଙ୍କ ପାଇଁ ପ୍ରସ୍ତୁତ ୟୁଟ୍ୟୁବ୍ ଭିଡିଓଗୁଡିକରେ କୌଣସି ରୋଜଗାରର ସୁଯୋଗ ମିଳିବ ନାହିଁ । ୟୁଟ୍ୟୁବ୍ ମ୍ୟୁଜିକ୍ ଚ୍ୟାନେଲ୍, ଅଫିସିଆଲ୍ ଆର୍ଟିଷ୍ଟ ଚ୍ୟାନେଲ୍ ଏବଂ ପ୍ରକାଶକ ଚ୍ୟାନେଲରେ ପ୍ରୋଗ୍ରାମ ସାଇନ୍ ଅପ୍ ପାଇଁ ଏକ ସୁଯୋଗ ରହିବ । ଏହି ଫିଚର୍ ଟ୍ୟାଗିଂ ବିକଳ୍ପ ଉପଲବ୍ଧ ହେବ। ଏହି ଫିଚର୍ରେ ସର୍ବାଧିକ ୩୦ଟି ଜିନିଷ ଉପରେ ଏକ ଭିଡିଓରେ ଟ୍ୟାପ୍ କରି ପାରିବେ । ଯଦି କ୍ରିଏଟର ଚାହାଁନ୍ତି, ସେମାନେ ଲାଇଭ୍ ଷ୍ଟ୍ରିମିଂ ସମୟରେ ଜିନିଷର ଟ୍ୟାଗ୍ କରିବାକୁ ସମର୍ଥ ହେବେ ।
