ପୁନେ : ଆଜି ପୁନେଠାରେ ଖେଳାଯାଉଥିବା ଆଇସିସି ବିଶ୍ବକପର ଏକ ମ୍ୟାଚରେ ଭାରତକୁ ବିଜୟ ପାଇଁ ୨୫୭ ରନ ଟାର୍ଗେଟ ଦେଇଛି ବାଂଲାଦେଶ। ଭାରତ ବିପକ୍ଷରେ ବାଂଲାଦେଶ ୨୫୬/୮ ରନ୍ ସ୍କୋର କରିଥିବାବେଳେ ଭାରତ ପାଇଁ ବିଜୟ ଲକ୍ଷ୍ୟ ରହିଛି ୨୫୭ ରନ।
ଆଜି ବାଂଲାଦେଶ ଟସ ଜିତିବା ପରେ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ବାଂଲାଦେଶର ଦୁଇ ଓପନର ତାନଜିଦ ହାସନ ଓ ଲିଟନ ଦାସ ଲଢୁଆ ବ୍ୟାଟିଂ କରି ଦଳ ପାଇଁ ଏକ ଭଲ ମୂଳଦୂଆ ପକାଇଥିଲେ। କିନ୍ତୁ ଦଳ ମଧ୍ୟକ୍ରମ ବିଫଳ ହୋଇଥିଲା। ଭାରତୀୟ ବୋଲରମାନେ ଭଲ ବୋଲିଂ କରି ମ୍ୟାଚକୁ ନିଜ ଅକ୍ତିଆରକୁ ନେଇଥିଲେ। ନିମ୍ନ ମଧ୍ୟକ୍ରମ ମଧ୍ୟରୁ ମୁସ୍ତାଫିକୁର ରହିମ ଓ ମହମ୍ମଦୁଲ୍ଲା ଲଢୁଆ ବ୍ୟାଟିଂ ଫଳରେ ବାଂଲାଦେଶ ଏକ ଭଲ ସ୍କୋର ଠିଆ କରିବାରେ ସଫଳ ହୋଇଥିଲା। ବାଂଲାଦେଶ ନିର୍ଦ୍ଧାରିତ ୫୦ ଓଭରରେ ୮ ୱିକେଟ ହରାଇ ୨୫୬ ରନ କରିଥିଲା। ହାସନ ୫୧ ରନ ଓ ଲିଟନ ୬୬ ରନ କରିଥିଲାବେଳେ ରହିମ ୩୮ ରନ ଓ ମହମ୍ମଦୁଲ୍ଲୀ ୪୬ ରନ ସଂଗ୍ରହ କରିଥିଲେ। ଭାରତ ପକ୍ଷରୁ ଯଶପ୍ରୀତ ବୁମରା, ମହମ୍ମଦ ସିରାଜ ଓ ରବୀନ୍ଦ୍ର ଜାଦେଜା ୨ଟି ଲେଖାଏଁ ଓ୍ବିକେଟ ନେଇଥିଲେ ।
ଚଳିତ ବିଶ୍ବକପରେ ଭାରତ ସମସ୍ତ ମ୍ୟାଚ ବିଜୟୀ ହୋଇ ଅପରାଜେୟ ରହିଛି। ଏହାସହିତ ରନ ଆଧାରରେ ପଏଣ୍ଟ ଟେବୁଲ ଆଜିର ମ୍ୟାଚ ଜିତିଲେ ଭାରତ ପୁଣିଥରେ ପଏଣ୍ଟ ଟେବୁଲ ଶୀର୍ଷକୁ ଯିବାର ସମ୍ଭାବନା ରହିଛି।
Comments are closed.