ହରଭଙ୍ଗା : ହରଭଙ୍ଗା ବ୍ଲକ ସଦରମହକୁମା ଚାରିଛକ ନର୍ସରୀ ସାହିରୁ ଜଣେ ଅସହାୟ ଯୁବତୀଙ୍କୁ ବ୍ଲକ ପ୍ରଶାସନ, ଜାଗୃତି ଟିମ ମିଳିତଭାବେ ଉଦ୍ଧାର କରିଥିବା ଜଣାପଡିଛି। ଉଦ୍ଧାର ପରେ ଯୁବତୀ ଜଣଙ୍କୁ ସରସରା ନାରାୟଣନଗରସ୍ଥିତ ଜାଗୃତି ଗୃହରେ ଥଇଥାନ କରାଯାଇଛି। ସୂଚନା ଅନୁସାରେ ଚାରିଛକ ନର୍ସରୀ ସାହିରେ ଜଣେ ଯୁବତୀ ଅସହାୟ ଅବସ୍ଥାରେ ରହୁଥିବା ସମ୍ପର୍କରେ ସ୍ଥାନୀୟ ବାଣୀଭୁଷଣପୁର ପଂଚାୟତ ସରପଞ୍ଚ ଶ୍ରୀବନ୍ତ ମେହେର ହରଭଙ୍ଗା ବି.ଡି.ଓଙ୍କୁ ଅବଗତ କରାଇଥିଲେ। ଏ ସମ୍ପର୍କରେ ବି.ଡି.ଓ ଶରତ କୁମାର ସେଠୀ ଖବର ପାଇବା ପରେ ସଙ୍ଗେ ସଙ୍ଗେ ସ୍ଥାନୀୟ ସିଡିପିଓ ଦୀପ୍ତିମୟୀ ପୃଷ୍ଟିଙ୍କୁ ଜଣାଇଥିଲେ। ପରେ ପରେ ସରସରା ସ୍ଥିତ ଜାଗୃତି ଟିମ ଖବର ପାଇ ଚାରିଛକରେ ପହଞ୍ଚି ଅସହାୟ ଯୁବତୀଙ୍କୁ ସେଠାରୁ ଉଦ୍ଧାର କରି ସରସରା ନାରାୟଣନଗରସ୍ଥିତ ଜାଗୃତି ଗୃହ-୨ରେ ଥଇଥାନ କରାଯାଇଛି। ଯୁବତୀଙ୍କ ଉଦ୍ଧାର ସମୟରେ ହରଭଙ୍ଗା ବି. ଡି. ଓ ଶରତ କୁମାର ସେଠୀ, ହରଭଙ୍ଗା ସି.ଡି.ପି.ଓ ଦୀପ୍ତିମୟୀ ପାତ୍ର, ଜାଗୃତି ଅଧ୍ୟକ୍ଷ ଶୋଭାବତୀ ବେହେରା, କାଉଁସିଲର ସବିତା ହୋତା, ସରପଞ୍ଚ ଶ୍ରୀବନ୍ତ ମେହେର ପ୍ରମୁଖ ଉପସ୍ଥିତ ଥିଲେ।
Comments are closed.