ନୂଆଦିଲ୍ଲୀ : ଆନ୍ଧ୍ରପ୍ରଦେଶରେ ହୋଇଥିବା ବିଧାନସଭା ନିର୍ବାଚନରେ ଟିଡିପି ଜବରଦସ୍ତ ବିଜୟ ହାସଲ କରିଛି। ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁଙ୍କ ଦଳକୁ ମିଳିଥିବା ବିଜୟ ପାଇଁ ତାଙ୍କ ସମର୍ଥକ ବେଶ ଉତ୍ସାହିତ ରହିଛନ୍ତି। ନାଇଡୁ ଯେଉଁ ସ୍ଥାନରେ ମଧ୍ୟ ପହଞ୍ଚୁଛନ୍ତି, ତାଙ୍କୁ ଦେଖିବା ପାଇଁ ଲୋକେ ଏକତ୍ରିତ ହେବା ସହ ଭିଡ ଦେଖିବାକୁ ମିଳୁଛି। ମଙ୍ଗଳବାର ଦିନ ନାଇଡୁ ନିଜ ବିଧାୟକଙ୍କ ସହ ବୈଠକରେ ଯୋଗ ଦେବା ପାଇଁ ବିଜୟୱାଡା ପହଞ୍ଚି ଥିଲେ। ସେଠାରେ ତାଙ୍କର ଜଣେ ସମର୍ଥକ ମହିଳା ତାଙ୍କ ସହ ଅନେକ ଦିନ ହେବ ଦେଖା କରିବାକୁ ଚାହୁଁଥିଲେ। ମହିଳାଙ୍କ ନାମ ନନ୍ଦିନୀ ବୋଲି ଜଣାପଡିଛି।
ରାତି ସାରା ଏସିରେ ଶୋଇବା ଶରୀର ପାଇଁ ବିପଦ ; ଦେଖାଦେବ ୫ଟି ମୁଖ୍ୟ ସମସ୍ୟା..
ବୈଠକରେ ଯୋଗ ଦେବାକୁ ଯାଉଥିବା ବେଳେ ତାଙ୍କର ଏକ ଝଲକ୍ ପାଇବା ପାଇଁ ହଜାର ହଜାର ଲୋକେ ରାସ୍ତାର ଦୁଇ ପଟରେ ଅପେକ୍ଷା କରି ରହିଥିଲେ। ମହିଳା ଜଣକ ମଧ୍ୟ ସେହି ଭିଡରେ ଅପେକ୍ଷା କରି ରହିଥିଲେ। ଚନ୍ଦ୍ରବାବୁ ନାଇଡୁଙ୍କ ଗାଡି ଆସିବା ମାତ୍ରେ ମହିଳା ଜଣକ ଭିଡରୁ ବାହାରି ଗାଡି ପଛେ ପଛେ ଦୌଡିବାକୁ ଆରମ୍ଭ କରିଥିଲେ।
ଚନ୍ଦ୍ରବାବୁ ନାଇଡୁ ମହିଳାଙ୍କୁ ଦେଖି ନିଜ ଗାଡିକୁ ରୋକି ଥିଲେ। ସୁରକ୍ଷାକର୍ମୀ ଅଟକାଇଥିଲେ ମଧ୍ୟ ଚନ୍ଦ୍ରବାବୁ ନାଇଡୁ ସୁରକ୍ଷାକର୍ମୀଙ୍କୁ ଅଟକାଇବା ସହ ମହିଳାଙ୍କୁ ଡାକି କଥା ହୋଇଥିଲେ।
ମହିଳା ଜଣକ ଚନ୍ଦ୍ରବାବୁ ନାଇଡୁଙ୍କୁ କହିଥିଲେ, “ ମୁଁ ଆପଣଙ୍କୁ ମୁଖ୍ୟମନ୍ତ୍ରୀ ରୂପରେ ଦେଖିବାକୁ କେବେ ଠାରୁ ଅପେକ୍ଷା କରିଥିଲି। ଆପଣ ମୋ ପାଇଁ ଭଗବାନ ଭଳି। ମହିଳା ଜଣକ ଫଟୋ ଉଠାଇବା ସହ କିଛି ସମୟ କଥା ହୋଇଥିଲେ। ମହିଳାଙ୍କୁ ଜ୍ୱର ମଧ୍ୟ ଥିଲା। ସୁରକ୍ଷା ଅଧିକାରୀ ତାଙ୍କୁ ହସ୍ପିଟାଲ ଯିବାକୁ ପରାମର୍ଶ ଦେଇଥିଲେ।
Comments are closed.