ନୂଆଦିଲ୍ଲୀ: ବଜେଟ ଉପସ୍ଥାପନ ପୂର୍ବରୁ ସମସ୍ତଙ୍କ ମନରେ ଏହାକୁ ନେଇ ଅନେକ ପ୍ରଶ୍ନ ଉଙ୍କି ମାରିଥାଏ। ଯେପରିକି ବଜେଟ କଣ, ବଜେଟ କେତେ ପ୍ରକାର ଏବଂ ଅନ୍ତରୀଣ ବଜେଟ କଣ। ଅର୍ଥମନ୍ତ୍ରୀ ନିର୍ମଳା ସୀତାରମଣ ଗୁରୁବାର ସଂସଦରେ ଅନ୍ତରୀଣ ବଜେଟ ଉପସ୍ଥାପନ କରୁଛନ୍ତି। ଆଗକୁ ଲୋକସଭା ନିର୍ବାଚନ ଥିବାରୁ ବଜେଟରୁ ସାଧାରଣ ଲୋକଙ୍କୁ ଅନେକ ଆଶା ରଖିଛନ୍ତି।
ମଧ୍ୟବର୍ତ୍ତୀ ବଜେଟ୍ କ’ଣ?
ମଧ୍ୟବର୍ତ୍ତୀ ଅର୍ଥ ହେଉଛି ଅସ୍ଥାୟୀ ବା ଯାହା ଏକ ନିର୍ଦ୍ଦିଷ୍ଟ ସମୟ ପାଇଁ ଏକ ଉପାୟରେ କରାଯାଇଥାଏ। ସାଧାରଣତଃ ନିର୍ବାଚନ ପୂର୍ବରୁ ମଧ୍ୟବର୍ତ୍ତୀକାଳୀନ ବଜେଟ ଉପସ୍ଥାପିତ ହୁଏ। ଲୋକସଭା ନିର୍ବାଚନ ଆଗକୁ ଅନୁଷ୍ଠିତ ହେବାକୁ ଯାଉଥିବାରୁ ଏହି ଅନ୍ତରୀଣ ବଜେଟ ଆଗତ କରାଯାଉଛି। ଏହି ବଜେଟ ମଧ୍ୟବର୍ତ୍ତୀକାଳୀନ ବଜେଟ କାରଣ ସରକାରଙ୍କୁ ଆଉ କିଛି ମାସ ପରେ ନିର୍ବାଚନର ସାମ୍ନା କରିବାକୁ ପଡିବ। ଉଭୟ ପରିସ୍ଥିତିରେ ସରକାର ନୂତନ ଆର୍ଥିକ ବର୍ଷର ଅବଶିଷ୍ଟ ମାସର ଖର୍ଚ୍ଚ ପାଇଁ ସଂସଦରୁ ଅନୁମତି ନେଇଛନ୍ତି। ପରମ୍ପରା ଅନୁଯାୟୀ କେବଳ ନିର୍ବାଚନ ପରେ ଗଠିତ ନୂତନ ସରକାର ସମୂର୍ଣ୍ଣ ବଜେଟ ଉପସ୍ଥାପନ କରିବେ।
ୟୁନିଅନ୍ ବଜେଟ୍ କ’ଣ:
ଭାରତର ସମ୍ବିଧାନର ଧାରା ୧୧୨ ଅନୁଯାୟୀ, ଏକ ବର୍ଷ ପାଇଁ କେନ୍ଦ୍ର ବଜେଟ୍, ଯାହା ଆର୍ଥିକ ବାର୍ଷର ବିବରଣୀ ଭାବରେ ମଧ୍ୟ ଜଣାଶୁଣା, ସେହି ନିର୍ଦ୍ଦିଷ୍ଟ ବର୍ଷ ପାଇଁ ସରକାରଙ୍କ ଆନୁମାନିକ ଆୟ ଏବଂ ବ୍ୟୟର ଏକ ଆକଳନ ହୋଇଥାଏ।
ବଜେଟ୍ କ’ଣ:
ଅର୍ଥକୁ କିପରି ଖର୍ଚ୍ଚ କରାଯିବ ଏଥିପାଇଁ ଯୋଜନା କରିବାର ପ୍ରକ୍ରିୟାକୁ ବଜେଟ୍ କୁହାଯାଏ। ଏହି ଖର୍ଚ୍ଚ ଯୋଜନା ପ୍ରସ୍ତୁତ କରିବା ପୂର୍ବରୁ ଆପଣ ନିର୍ଣ୍ଣୟ କରିପାରିବେ ଯେ ଆପଣ ଆବଶ୍ୟକ କରୁଥିବା ଜିନିଷ କ୍ରୟ କରିବା ପାଇଁ ଆପଣଙ୍କ ପାଖରେ ପର୍ୟ୍ୟାପ୍ତ ଅର୍ଥ ଅଛି କି ନାହିଁ। ଏହି ବଜେଟ୍ ଯେପରି ଆପଣଙ୍କ ଆୟ ବ୍ୟୟକୁ ସନ୍ତୁଳିତ କରେ, ସେହିପରି ଦେଶ ଚଳାଇବା ପାଇଁ ମଧ୍ୟ ସରକାର ସେହିପରି ଏକ ବଜେଟ୍ ଉପସ୍ଥାପନ କରିଥାନ୍ତି।
