କୋଲକତା- ପଶ୍ଚିମବଙ୍ଗର ଉତ୍ତର ଦିନାଜପୁରରେ ଜଣେ ଆହିଦାସୀ ନବାଳିକାକୁ ଦୁଷ୍କର୍ମ ପରେ ହତ୍ୟା ଅଭିଯୋଗ । ଏହି ନାବାଳିକା ଜଣଙ୍କ ଟ୍ୟୁସନ୍କୁ ଯିବା ପରେ ଆଉ ଘରକୁ ଫେରି ନଥିଲେ। ପରିବାର ଲୋକ ସହ ପୁଲିସ ବହୁ ଖୋଜା ଖୋଜି କରିଥିଲା । ହେଲେ ଶନିବାରରେ ଏହି ନାବାଳିକାର ମୃତ ଦେହ ଏକ କେନାଲ୍ରେ ଭାସୁଥିବା ଦେଖିବା ପାଇଁ ମିଳିଥିଲା । ଏହାପରେ ପରିବାର ଲୋକଙ୍କ ସହ ସ୍ଥାନୀୟ ଲୋକ ଶବ ରଖି ରାସ୍ତାରୋକ କରିଥିଲେ । ଜାଭେଦ୍ ଅଖତରନାମକ ଯୁବକ ଏବଂ ତାର ସାଙ୍ଗମାନେ ନାବାଳିକାଙ୍କୁ ଦୁଷ୍କର୍ମପରେ ହତ୍ୟା କରିଥିବା ନାବାଳିକାଙ୍କ ପରିବାର ଲୋକ ଅଭିଯୋଗ କରିଥିଲେ । ଅଖତର ପୂର୍ବରୁ ନାବାଳିକାଙ୍କୁ ଜାଣିଥିବା ଅଭିଯୋଗ ହୋଇଛି ।
ଏହାପରେ ପୁଲିସ ନାବାଳିକାଙ୍କ ଶବକୁ ଘୋଷାଡି ନେଇଥିବାର ଭିଜୁଆଲ୍ ଭାଇରାଲ୍ ହୋଇଛି। ଭିଡକୁ ନିୟନ୍ତ୍ରଣ କରିବା ପାଇଁ ସେଠାରେ ମୃଦୁ ଲାଠି ଚାଳନା ସହ ଲୁହ ବୁହା ଗ୍ୟାସ ପ୍ରୟୋଗ କରାଯାଇଛି । ଏହି ଘଟଣାରେ ପୁଲିସ ଅଖତରକୁ ଗିରଫ କରିଥିବା ସୂଚନା ଦେଇଛି । ଏହାପରେ ପଶ୍ଚିମବଙ୍ଗରେ ରାଜନୀତି ସରଗରମ ହୋଇଛି ।
