ଡେରାଡୁନ : ଉତ୍ତରାଖଣ୍ଡରେ ଜାରି ରହିଥିବା ପ୍ରବଳ ବର୍ଷା କାରଣରୁ ଗଙ୍ଗା ନଦୀରେ ଜଳସ୍ତର ବୃଦ୍ଧି ପାଇଛି। ବାରାଣସୀରେ ଅନେକ ଜିଲାରେ ଗଙ୍ଗାର ଜଳସ୍ତର ବିପଦ ସଙ୍କେତ ଉପରେ ରହିଛି। ପାହାଡରେ ହେଉଥିବା ବର୍ଷା ପାଇଁ ପରିସ୍ଥିତି ଅଧିକ ଜଟିଳ ହୋଇଛି।
ଉତ୍ତରାଖଣ୍ଡର ୩ଟି ଜିଲାରେ ପ୍ରବଳରୁ ଅତି ପ୍ରବଳ ବର୍ଷା ପାଇଁ ଆଲର୍ଟ ଜାରି କରାଯାଇଛି। ସେହିପରି ରାଜଧାନୀ ଡେରାଡୁନରେ ପ୍ରବଳ ବର୍ଷା ପରେ ଏକ ପୁରୁଣା ଘରର ଛାତ ଭୁଶୁଡି ପଡିଛି। ଫଳରେ ୩ ଜଣଙ୍କର ମୃତ୍ୟୁ ଘଟିଥିବା ନେଇ ଖବର ମିଳିଛି।
ପ୍ରୟାଗରାଜରେ ମଧ୍ୟ ଗଙ୍ଗା-ଯମୁନା ବିପଦ ସଙ୍କେତ ଠାରୁ ୧.୧୦ ମିଟର ଉପରେ ପ୍ରବାହିତ ହେଉଛି। ବନ୍ୟା ପାଇଁ ଲୋକଙ୍କ ଦୁର୍ଦ୍ଦଶା ବଢିଯାଇଛି। ଅନେକ ସ୍ଥାନରେ ଯୋଗାଯୋଗ ବିଚ୍ଛିନ୍ନ ସହ ରାସ୍ତାଘାଟ ବନ୍ଦ ରହିଛି।
ଡେରାଡୁନ,ନୈନୀତାଲ ଓ ଚମ୍ପାବତ୍ ଜିଲାରେ ଆଗାମୀ ୨୪ ଘଣ୍ଟାରେ ପ୍ରବଳରୁ ଅତି ପ୍ରବଳ ବର୍ଷା ହେବାର ନେଇ ସତର୍କ ସୂଚନା ଜାରି କରାଯାଇଛି। ପାଣିପାଗ ବିଭାଗର ବିଶେଷଜ୍ଞଙ୍କ ସୂଚନାୁନାୟୀ କିଛି ସ୍ଥାନରେ ପ୍ରବଳ ବର୍ଷା ସହ ବଜ୍ରପାତ ନେଇ ମଧ୍ୟ ସତର୍କ ସୂଚନା ଜାରି କରାଯାଇଛି।
Comments are closed.