ଭୁବନେଶ୍ୱର : ପୁଣି କମିବ ତାପମାତ୍ରା ଓ ବଢିବ ଶୀତ। ଆସନ୍ତା ୨ ରୁ ୩ ଦିନ ମଧ୍ୟରେ ରାତ୍ରୀ ତାପମାତ୍ରାରେ ପରିବର୍ତ୍ତନ ଘଟିବ। ରାତ୍ରୀ ତାପମାତ୍ରାରେ ପ୍ରାୟ ୩ ଡିଗ୍ରୀ ରୁ ୫ ଡିଗ୍ରୀ ହ୍ରାସ ପାଇବା ନେଇ ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି। ଏହାସହ ପଶ୍ଚିମ ବାୟୁ ପ୍ରବାହରେ ରାଜ୍ୟର ଆଭ୍ୟନ୍ତରୀଣ ଜିଲା ଗୁଡିକରେ ଆଜି ବର୍ଷା ହୋଇଯାଇଥିବା ବେଳେ ଉପକୂଳବର୍ତ୍ତୀ ଜିଲା ଗୁଡିକରେ ପାଗ ଶୁଖିଲା ରହିଛି। ସୁନ୍ଦରଗଡରେ ଗତ ୨୪ ଘଣ୍ଟା ମଧ୍ୟରେ ସର୍ବାଧିକ ୫ ସେଣ୍ଟିମିଟର ବର୍ଷା ରେକର୍ଡ଼ କରାଯାଇଥିବା ବେଳେ ଝାରସୁଗୁଡା ,କେନ୍ଦୁଝର, ମୟୁରଭଞ୍ଜରେ ୪ ସେଣ୍ଟିମିଟର ବର୍ଷା ରେକର୍ଡ କରାଯାଇଛି। ଆଜି ବଲାଙ୍ଗୀର ଠାରେ ସର୍ବୋଚ୍ଚ ଦିନ ତାପମାତାେ ୩୨.୫ ଡିଗ୍ରୀ ସେଲସିୟମସ, କେନ୍ଦୁଝରରେ ସର୍ବନିମ୍ନ ୧୪ ରେକର୍ଡ କରାଯାଇଛି। ଆସନ୍ତା ୨୪ଘଣ୍ଟା ମଧ୍ୟରେ ଦକ୍ଷିଣ ଓଡ଼ିଶା ଓ ଉତ୍ତର ଓଡ଼ିଶାର କିଛି ସ୍ଥାନରେ ବର୍ଷା ହେବାର ସମ୍ଭାବନା ରହିଥିବା ବେଳେ ୧୪ ଜିଲା ବାଲେଶ୍ୱର,ଭଦ୍ରକ,ଯାଜପୁର,କେନ୍ଦ୍ରାପଡା, କଟକ,ଜଗତସିଂହପୁର,ସୁନ୍ଦରଗଡ, ଦେଓଗଡ, ଅନୁଗୁଳ, ଢେଙ୍କାନାଳ, କେନ୍ଦୁଝର, ମୟୁରଭଞ୍ଜ, ଖୋର୍ଦ୍ଧା, ପୁରୀକୁ ୟୋଲା ୱାର୍ଣ୍ଣିଂ ଜାରି କରାଯାଇଛି। ଏହି ସମୟରେ ଘୂର୍ଣ୍ଣି ଝଡ ହେବାର ସମ୍ଭାବନା ରହିଛି। କିଛି ସ୍ଥାନରେ ଘନ କୁହୁଡିର ମଧ୍ୟ ସମ୍ଭାବନା ରହିଛି।
Comments are closed.