ଦେଖନ୍ତୁ ଭିଡିଓ, ଟ୍ରେନ୍‌ରେ ଯାତ୍ରୀଙ୍କୁ ମାଡ ମାରି ଟିଟିଇଙ୍କର ଏବେ ଏହି ଅବସ୍ଥା- ରେଳ ମନ୍ତ୍ରୀ କହିଲେ

ନୂଆଦିଲ୍ଲୀ – ଯାତ୍ରୀଙ୍କୁ ଦୁର୍ବ୍ୟବହାର ଦେଖାଇବା ଏବେ ଜଣେ ଟିଟିଇଙ୍କ ପାଇଁ ମହଙ୍ଗା ସାବ୍ୟସ୍ତ ହୋଇଛି । ଏହି ଭିଡିଓ ଭାଇରାଲ୍‌ ହେବା ପରେ ରେଳ ବିଭାଗ ସମ୍ପୃକ୍ତ ଟିଟିଇଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ଟ୍ରେନ୍‌ରେ ଜଣେ ଯାତ୍ରୀ ଯାତ୍ରାକରୁଥିଲେ । ସେ ଟିକେଟ କରିଥିବା କଥା ଟିକେଟ ଯାଞ୍ଚ କରୁଥିବା ଟିଟିଇଙ୍କୁ କହିଥିଲେ । ତାଙ୍କର କଣ ଭୁଲ୍‌ ଅଛି ବୋଲି ବାରମ୍ବାର କହୁଥିବା ବେଳେ ଟିଟିଇ ତାଙ୍କୁ ମାଡ ମାରିବା ସହ ଗାମୁଛାକୁ ଭିଡି ଧରିଥିଲେ ।

ଅନ୍ୟ ଯାତ୍ରୀମାନେ ଏହାର ବିରୋଧ କରିବାରୁ ସମ୍ପୃକ୍ତ ଟିଟିଇ ସେମାନଙ୍କୁ ମଧ୍ୟ ଦୁର୍ବ୍ୟବହାର ପ୍ରଦର୍ଶନ କରିବା ସହ ଗୁଣ୍ଡାଙ୍କ ପରି ଅଭଦ୍ର ବ୍ୟବହାର କରିଥିଲେ । କିଛି ମହିଳାଯାତ୍ରୀ ମଧ୍ୟ ସମ୍ପୃକ୍ତ ଟିଟିଇଙ୍କୁ ଏପରି ବ୍ୟବହାର କରିବାରୁ ନିବୃତ ରହିବା ପାଇଁ କହିଥିଲେ । ମାତ୍ର ଟିଟିଇ ନିଜ ଚାକିରିର ମିଛ ରୋବାବ ଦେଖାଇଥିଲେ । ବରୌନି- ଲକ୍ଷ୍ମୌ ଏକ୍ସପ୍ରେସ ଟ୍ରେନ ସଂଖ୍ୟା ୧୫୨୦୩ରେ ଏହି ଘଟଣା ଘଟିଥିଲା ।

वीडियो आज का है। बरौनी-लखनऊ एक्सप्रेस (15203) में टीटी इस तरह से पिटाई कर रहा।

रेल मंत्री @AshwiniVaishnaw जी, बताएं कि क्या इन लोगों को ऐसे पीटने की आजादी है? क्या टीटी के नाम पर गुंडे रखे गए हैं? ये सिस्टम में क्यों है?

वीडियो साफ है, कार्रवाई कीजिए। और हां, जनता को… pic.twitter.com/Cl5XYxl3GC

— Rajesh Sahu (@askrajeshsahu) January 18, 2024

ଏହାର ଭିଡିଓ ଭାଇରାଲ୍‌ ହେବା ପରେ ରେଳମନ୍ତ୍ରୀ ଅଶ୍ୱନୀ ବୈଷ୍ଣବ ଏପରି ଖରାପ ବ୍ୟବହାର ଆଦୌ ଗ୍ରହଣୀୟ ନୁହେଁ ବୋଲି କହିଥିଲେ । ଟିଟିଙ୍କୁ ତୁରନ୍ତ କାର୍ଯ୍ୟରୁ ନିଲମ୍ବିତ କରାଯାଇଛି । ଏହି ଘଟଣାର ତଦନ୍ତ କରାଯାଇ ଆହୁରି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଲକ୍ଷ୍ମୌ ରଳ ମଣ୍ଡଳ ପକ୍ଷରୁ କୁହାଯାଇଛି । ଚାକିରି ଯିବା ପରେ ଏବେ ଟିଟିଇ କାନ୍ଦିବା ସହ ନିଜ ବ୍ୟବହାର ପାଇଁ ପଶ୍ଚାତାପ କରୁଛନ୍ତି । ଗତ ବର୍ଷ ଜଣେ ଟିଟିଇ ନିଶାସକ୍ତ ଅବସ୍ଥାରେ ଜଣେ ମହିଳା ଯାତ୍ରୀଙ୍କୁ ହଇରାଣ କରୁଥିବାର ଦୃଶ୍ୟ ଭାଇରାଲ୍‌ ହୋଇଥିଲା । ଏହାପରେ ସମ୍ପୃକ୍ତ ଟିଟିଇଙ୍କୁ ନିଲମ୍ବିତ କରାଯାଇଥିଲା ।