ଜଙ୍ଗଲ ରାସ୍ତାରେ ବାଘ-ଷଣ୍ଢ ; କିଏ ଜିତିଲା ବାଜି ?

ବାଘ ନାଁ ଶୁଣିଲେ ହିଁ ସଭିଁଙ୍କୁ ଭୟ ଲାଗିବା ସାଧାରଣ କଥା। ତେବେ ଚିନ୍ତା କରନ୍ତୁ ଜଙ୍ଗଲ ରାସ୍ତାରେ ଷଣ୍ଢ ଏବଂ ବାଘ। ସଭିଁଙ୍କୁ ଜଣା ନିଶ୍ଚୟ ବାଘକୁ ଦେଖିବା ପରେ ଷଣ୍ଢ ଖୁବ ଭୟଭୀତ ହେବ। ମାତ୍ର ଏଠାରେ ଘଟଣା ସମ୍ପୂର୍ଣ୍ଣ ବିପରୀତ। ଏଠାରେ ଷଣ୍ଢ ବଦଳରେ ଭୟଭୀତ ହୋଇଛି ବାଘ। ଏଭଳି ହିଁ ଏକ ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହୋଇଛି।
କୁହାଯାଏ, ଜଙ୍ଗଲରେ ବଳଶାଳୀ ହିଁ ତିଷ୍ଠି ଥାଏ। ବିଶେଷ କରି ଏଭଳି ପରିସ୍ଥିତିରେ ବାଘ,ସିଂହ ଅଧିକାଂଶ ସମୟରେ ଜିତି ଥାଆନ୍ତି। ମାତ୍ର ଅନେକ ଥର ସାହସ ପାଇଁ ଦୁର୍ବଳ ମଧ୍ୟ ବଳଶାଳୀ ଉପରେ ଭାରି ପଡିଥାଆନ୍ତି। ଭାଇରାଲ ହୋଇଥିବା ଭିଡିଓରେ ଏଭଳି ହିଁ କିଛି ଦେଖାଯାଇଛି। ଏକ ଜଙ୍ଗଲ ରାସ୍ତାରେ ବାଘ ଓ ଷଣ୍ଢ ଦେଖାଯାଉଛନ୍ତି।  ରାସ୍ତାର କଡରେ ବାଘଟି ଯାଉଛି। ସେହି ସମୟରେ ସେ ଏକ ଷଣ୍ଢକୁ ଦେଖି ଶିକାର ପାଇଁ ପ୍ରୟାସ କରୁଛି। ଷଣ୍ଢଟି ବାଘକୁ ଦେଖି ତା’ଆଡକୁ ଖୁବ ଜୋରରେ ଆସୁଛି। ବାଘଟି ଷଣ୍ଢକୁ ଏଭଳି ଦେଖି ସେଠାରୁ ଆଗପଛ ହୋଇ ପଳାଉଥିବା ଦେଖାଯାଉଛି। ଷଣ୍ଢର ଶିକାର କରିବା ପାଇଁ ବାଘ ପ୍ରୟାସ କରିବା ଆରମ୍ଭ କରିଥିବା ବେଳେ ଷଣ୍ଢ ସାମ୍ନା ପଟରୁ ଏଭଳି ହିଁ କରିଛି,ଯାହାକୁ ଦେଖି ସଭିଏଁ ଆଶ୍ଚର୍ଯ୍ୟ ହୋଇ ଯାଇଛନ୍ତି। ବାଘଟି ଷଣ୍ଢ ନିକଟକୁ ଆସିବା ମାତ୍ରେ ଷଣ୍ଢ ଖୁବ ଜୋରରେ ବାଘ ଆଡକୁ ଆସିଯିବାରୁ ବାଘ ସେଠାରୁ ପଳାଉଥିବା ଦେଖାଯାଉଛି।

ଏହି ଭିଡିଓଟିକୁ ଆଇଏଫଏସ ଅଧିକାରୀ ସୁଶାନ୍ତ ନନ୍ଦା ନିଜ ସୋସିଆଲ ଆକାଉଣ୍ଟରେ ସେୟାର କରିଛନ୍ତି। ଭିଡିଓକୁ ଦେଖି ଖୁବ ପସନ୍ଦ କରିବା ସହ ଅନେକ ଲୋକେ ଭିନ୍ନ ଭିନ୍ନ କମେଣ୍ଟ ଦେଇଛନ୍ତି।

Courage is found in unlikely places…
Bull scares away the tiger. This is not the behaviour apex predator that we know. Pressure of human presence is perhaps having a huge role.
WA fwd pic.twitter.com/6A4kx39yVc

— Susanta Nanda IFS (@susantananda3) August 30, 2022