ବୌଦ୍ଧ : କେନ୍ଦ୍ର ବିଜେପି ତରଫରୁ ପ୍ରସାରିତ ଗ୍ରାମ ପରିକ୍ରମା ଯୋଜନାକୁ ସ୍ଥାନୀୟ ତେଲିବନ୍ଧ ହାଟପଦାଠାରେ ପ୍ରୋଜେକ୍ଟର ମାଧ୍ୟମରେ ପ୍ରଦର୍ଶିତ ହୋଇଥିଲା । ଏହି ଉପଲକ୍ଷେ ପ୍ରଥମେ ଗୋ ପୂଜନ ଓ ପରେ କୃଷି ଯନ୍ତ୍ରପାତି ପୂଜନ କରି କାର୍ଯ୍ୟକ୍ରମର ଶୁଭାରମ୍ଭ କରାଯାଇଥିଲା। ଏହାପରେ ଏକ ସାଧାରଣ ସଭାରେ କୃଷକ ମୋର୍ଚ୍ଚା ରାଜ୍ୟ ଉପସଭାପତି ସୂର୍ଯ୍ୟ ମହାପାତ୍ର କେନ୍ଦ୍ର ସରକାରଙ୍କ ବିଭିନ୍ନ ଚାଷୀ ହିତକାରୀ ଯୋଜନା ବିଷୟରେ ଆଲୋକପାତ କରିଥିଲେ। ଶେଷରେ ଅଞ୍ଚଳର ଦୁଇ ସଫଳ ଚାଷୀ ପ୍ରେମାନନ୍ଦ ପ୍ରଧାନ ଓ ଶ୍ରୀରାମ ଅମାତଙ୍କୁ ସମ୍ମାନିତ କରାଯାଇଥିଲା । କାର୍ଯ୍ୟକ୍ରମକୁ ଜିଲ୍ଲା ସଭାପତି ରବୀନ୍ଦ୍ର କୁମାର ଦେଓ ପରିଚାଳନା କରିଥିଲେ। କାର୍ଯ୍ୟକ୍ରମରେ ଜିଲ୍ଲା ସାଧାରଣ ସମ୍ପାଦକ ବୈକୁଣ୍ଠ ପ୍ରଧାନ ଆରତ ଧଳ, ନବୀନ ହୋତା, ଶମ୍ଭୁ ପ୍ରଧାନ, ନବୀନ ପ୍ରଧାନଙ୍କ ସମେତ ପ୍ରାୟ ୫୦୦ରୁ ଉର୍ଦ୍ଧ୍ବ ଚାଷୀ ଯୋଗ ଦେଇଥିଲେ।
Comments are closed.