ପୁରୀ : ଭିଜିଲାନ୍ସ ଜାଲରେ ଫସିଲେ ଆଉ ଜଣେ ସରକାରୀ ବାବୁ। ଗୁରୁବାର ବ୍ଲକ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟର ଆକାଉଣ୍ଟାଣ୍ଟ ବିକାଶ କୁମାର ସେନାପତି ଲାଞ୍ଚ ନେବା ସମୟରେ ଭିଜିଲାନ୍ସ ହାତରେ ଧରା ପଡିଛନ୍ତି। ଜଣେ ଅବସରପ୍ରାପ୍ତ ଶିକ୍ଷକଙ୍କ ଠାରୁ ଏହି ଟଙ୍କା ନେବା ସମୟରେ ଧରା ପଡିଛନ୍ତି। ବିକାଶ କୁମାର ସେନାପତିଙ୍କୁ ସମ୍ପୃକ୍ତ ଘଟଣାରେ ପୁରୀ ଓଡିଶା ଭିଜିଲାନ୍ସ ଗିରଫ କରିଛି। ମେ ୨୦୨୨ରେ ଶିକ୍ଷକ ଜଣକ ସରକାରୀ ସେବାରୁ ଅବସର ନେଇଥିଲେ। ଗ୍ରାଚ୍ୟୁଇଟି ପାଇବା ପାଇଁ ଶିକ୍ଷକ ଜଣକ ତାଙ୍କ ସପକ୍ଷରେ ଏନଓସି ଲାଗୁ ପାଇଁ ଆକାଉଣ୍ଟାଣ୍ଟ ବିକାଶଙ୍କୁ ଅନୁରୋଧ କରିଥିଲେ।
ଅବସରପ୍ରାପ୍ତ ଶିକ୍ଷକଙ୍କ ସପକ୍ଷରେ ଏନଓସି ପ୍ରଦାନ କରିବାକୁ ଆକାଉଣ୍ଟାଣ୍ଟ ଶ୍ରୀ ସେନାପତି ୫୦୦୦ ଟଙ୍କା ଲାଞ୍ଚ ମାଗିଥିଲେ। ଏହି ସମୟରେ ଭିଜିଲାନ୍ସ ତାଙ୍କୁ ଗିରଫ କରିବା ସହ ଲାଞ୍ଚ ରାଶି ଶ୍ରୀ ସେନାପତିଙ୍କ ନିକଟରୁ ଜବତ କରାଯାଇଛି। ଘଟଣାର ତଦନ୍ତ ଜାରି ରହିଛି।
ଅବସର ପ୍ରାପ୍ତ ଶିକ୍ଷକଙ୍କ ଠାରୁ ଲାଞ୍ଚ ନେଉଥିଲେ ଆକାଉଣ୍ଟାଣ୍ଟ ; ମାଡି ବସିଲା ଭିଜିଲାନ୍ସ
Popular Categories
Previous article
Next article