ଏମିତି ବି ଆସେ ମୃତ୍ୟୁ ; ଘରେ ଶୋଇଥିଲେ ଓଲଟିଲା ଟ୍ରକ, ୮ ମୃତ

ନୂଆଦିଲ୍ଲୀ : ହରଦୋଇ ଜିଲାରେ ମଲ୍ଲାୱା କୋତବାଲୀ କ୍ଷେତ୍ର ଅନ୍ତର୍ଗତ ଉନ୍ନାଓ ରାସ୍ତାରେ ଏକ ବାଲି ବୋଝେଇ ଟ୍ରକ ଅନିୟନ୍ତ୍ରିତ ହୋଇ ରାସ୍ତା କଡରେ ଥିବା ଏକ ଝୁମ୍ପୁଡି ଘରେ ଓଲଟି ପଡି ଦୁର୍ଘଟଣା ଘଟିଛି। ଏଥିରେ ଝୁମ୍ପୁଡି ଘରେ ଶୋଇଥିବା ୪ ଜଣ ଶିଶୁ ସମେତ ୮ ଜଣଙ୍କ ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ଦମ୍ପତି, ତାଙ୍କର ୪ ଶିଶୁ ଓ ଜଣେ ଜ୍ୱାଇଁ ଥିବା ପ୍ରାଥମିକ ତଦନ୍ତରୁ ଜଣାପଡିଛି। ଜଣେ ଶିଶୁକୁ ଆହତ ଅବସ୍ଥାରେ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି।
ମଙ୍ଗଳବାର ବିଳମ୍ବିତ ରାତିରେ କାନପୁରରୁ ହରଦୋଇ ଯାଉଥିବା ଏକ ବାଲି ବୋଝେଇ ଟ୍ରକ ଅନିୟନ୍ତ୍ରିତ ହୋଇ ରାସ୍ତା କଡରେ ଥିବା ଝୁମ୍ପୁଡି ଉପରକୁ ଓଲଟି ପଡିଥିଲା। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ମୃତାହତଙ୍କୁ ଉଦ୍ଧାର କରିବା ସହ ଟ୍ରକ ଚାଳକ ଓ ହେଲପରକୁ ଗିରଫ କରି ଘଟଣାର ତଦନ୍ତ ଜାରି ରଖିଛି।

ଗାଡି ପଛେ ପଛେ ଦୌଡି ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁଙ୍କୁ ଏପରି କହିଲେ ମହିଳା..