.ମସ୍କୋ: ରୁଷ ପ୍ରସ୍ତୁତ କରୋନା ଟୀକାକୁ ମିଳିଛି ମଞ୍ଜୁରୀ । ନିଜେ ରାଷ୍ଟ୍ରପତି ଭ୍ଲାଡ଼ିମିର ପୁଟିନ ଏହା ସୂଚନା ଦେଇଛନ୍ତି । କେବଳ ସେତିକି ନୁହେଁ, ତାଙ୍କ ଝିଅକୁ ପ୍ରଥମ କରୋନା ଟୀକା ଦିଆଯାଇଥିବା ସେ କହିଛନ୍ତି । ମଙ୍ଗଳବାର ରାଷ୍ଟ୍ରପତି ପୁଟିନ ଏ ସମ୍ପର୍କରେ ଘୋଷଣା କରିଛନ୍ତି । ତାଙ୍କ ଦେଶ ପୃଥିବୀର ପ୍ରଥମ କରୋନା ଟୀକା ପ୍ରସ୍ତୁତ କରିଛି ଓ ଏହାକୁ ସ୍ବାସ୍ଥ୍ୟ ମନ୍ତ୍ରଣାଳୟ ମଞ୍ଜୁରୀ ଦେଇଛି ବୋଲି କହିଛନ୍ତି । ତାଙ୍କ ଝିଅ ପ୍ରଥମ ଟୀକା ନେଇଥିବା ସେ କହିଛନ୍ତି, ତେବେ ସେ ନିଜେ ଏହି ଟୀକା ନେଇଛନ୍ତି କି ନାହିଁ ତାହା ସ୍ପଷ୍ଟ କରିନାହାନ୍ତି ।
#Putin says #Russia‘s first #COVID-19 #vaccine receives approval from health ministry, his daughter was vaccinated#BREAKINGonRT
DETAILS: https://t.co/oMSPxhfEiq pic.twitter.com/G98LvzNJGh
— RT (@RT_com) August 11, 2020
ସୂଚନା ଅନୁସାରେ ମସ୍କୋର ଗାମଲେୟା ଇନଷ୍ଟିଚ୍ୟୁଟ୍ ଏହି ଟୀକା ପ୍ରସ୍ତୁତ କରିଛି । ମାତ୍ର ୨ ମାସରେ ଏହାର ମାନବ ପରୀକ୍ଷଣ ଶେଷ ହୋଇଛି । ମାତ୍ର ଏହା ଉପରେ ସନ୍ଦେହବ୍ୟକ୍ତ କରିଛି ବିଶ୍ଵ ସ୍ବାସ୍ଥ୍ୟ ସଙ୍ଗଠନ । ପୂର୍ବରୁ ରୁଷ ସ୍ବାସ୍ଥ୍ୟ ମନ୍ତ୍ରୀ ଅକ୍ଟୋବର ମାସ ସୁଦ୍ଧା କରୋନା ଟୀକା ଉପଲବ୍ଧ ହେବ ବୋଲି କହିଥିଲେ । ଅନେକ ଦେଶ ଏହା ଉପରେ ଗବେଷଣା ଜାରି କରିଥିଲେ ହେଁ ସଫଳତା ପାଇ ନାହାନ୍ତି । ମାତ୍ର ରୁଷ ପ୍ରଥମ ଦେଶ ଭାବରେ ଏହି ଟୀକା ଉଦ୍ଭାବନ କରିଥିବା ଦାବି କରିଛି ।
ପ୍ରଥମେ ଏହି ଟୀକା ସ୍ବାସ୍ଥ୍ୟ କର୍ମୀ, ଏହାପରେ ବରିଷ୍ଠ ନାଗରିକଙ୍କୁ ପ୍ରଦାନ କରାଯିବ । ଏହା ସହ ଏହି ଟୀକା କିଛି ମିତ୍ର ଦେଶକୁ ମଧ୍ୟ ରୁଷ ପ୍ରଦାନ କରିବ ବୋଲି ସେତେବେଳେ ସ୍ବାସ୍ଥ୍ୟମନ୍ତ୍ରୀ କହିଥିଲେ ।
Comments are closed.