ମୁମ୍ବାଇ: ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କରୋନା ସଙ୍କଟକାଳରେ ଭଡ଼ାଟିଆଙ୍କଠାରୁ ଭଡ଼ା ଆଦାୟ ନ କରିବା ପାଇଁ ଅନୁରୋଧ କରିଛନ୍ତି । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ମଧ୍ୟ ଅନୁରୂପ ଅପିଲ୍ କରିଛନ୍ତି । ଏପରିକି ଯେଉଁମାନେ ବାସ୍ତବରେ ଗରିବ ଓ ଭଡ଼ା ଦେବା ପାଇଁ ଅକ୍ଷମ ସେମାନଙ୍କ ପାଇଁ ସରକାର ଭଡ଼ା ପଇଠ କରିବେ ବୋଲି କେଜରିୱାଲ ସରକାର ପ୍ରସ୍ତାବ ରଖିଛନ୍ତି । ମାତ୍ର ମହାରାଷ୍ଟ୍ର ସରକାର ଏଥିପାଇଁ ସରକାରୀ ନିର୍ଦେଶନାମା ଜାରି କରିଛନ୍ତି । ୩ ମାସ ପାଇଁ କୌଣସି ଘର ମାଲିକ ସେମାନଙ୍କ ଭଡ଼ାଟିଆଙ୍କୁ ଭଡ଼ା ମାଗିବେ ନାହିଁ । ଏହା ସହ ଏହି ସମୟରେ କୌଣସି ଭଡ଼ାଟିଆଙ୍କୁ ଘରୁ ବାହାର କରି ପାରିବେ ନାହିଁ । ଏପରିକି ଘରଭଡ଼ା ଦେଇ ନ ପାରିଲେ ବି ଘରମାଲିକ ଭଡ଼ାଟିଆଙ୍କୁ ଘରୁ ଯିବା ପାଇଁ କହିପାରିବେ ନାହିଁ । ନିର୍ମାଣ ବିଭାଗ ମୁଖ୍ୟ ସଚିବ ସଞ୍ଜୟ କୁମାର ଏ ସଂକ୍ରାନ୍ତରେ ଏକ ନିର୍ଦେଶନାମା ସରକାରଙ୍କ ପକ୍ଷରୁ ପ୍ରଦାନ କରିଛନ୍ତି ।
