ନୂଆଦିଲ୍ଲୀ : କୁହାଯାଏ କି ଶୀତଦିନେ କାଶ୍ମୀରର ମନୋରମ ଦୃଶ୍ୟ ସ୍ୱର୍ଗଠୁ କମ୍ ନୁହେଁ । ଚାରିଆଡେ କେବଳ ବରଫ ଆଉ ବରଫ । ଆଉ ଏହି ବରଫର ମଜା ଲୁଟିବା ପାଇଁ କାହିଁ କେଉଁଆଡୁ ଲୋକେ ଛୁଟିଯାନ୍ତି ଭୂପୃଷ୍ଠର ସ୍ୱର୍ଗ କାଶ୍ମୀରକୁ । ଏବେ ସୋସିଆଲ ମିଡିଆରେ ଏହି ବରଫରେ ଖେଳୁଥିବା ୨ ପିଲାଙ୍କ ଭିଡିଓ ଭାଇରାଲ ହେଉଛି । ଭିଡିଓରେ ପିଲାମାନେ କାଶ୍ମୀରର ସୌନ୍ଦର୍ଯ୍ୟକୁ ରିପୋର୍ଟର ଭଳି ବଖାଣୁଛନ୍ତି ।
ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଏହି ଭିଡିଓକୁ ଉଦ୍ୟେଗପତି ଆନନ୍ଦ ମହିନ୍ଦ୍ରା ନିଜ ଆକାଉଣ୍ଟରେ ସେୟାର କରିଛନ୍ତି । ୧ ମିନିଟ୍ ୧୩ ସେକେଣ୍ଡର ଏହି କ୍ୟୁଟ୍ ଭିଡିଓକୁ ଖୁବ୍ ଭ୍ୟୁଜ୍ ମିଳିବା ସହ ଲାଇକ୍ସ ମିଳୁଛି । ଭିଡିଓରେ ରିପୋର୍ଟିଂ କରି ପିଲାମାନେ କାଶ୍ମୀରର ସୌନ୍ଦର୍ଯ୍ୟ ବଖାଣୁଛନ୍ତି । ସେମାନେ କହୁଛନ୍ତି କି ବହୁତ ମଜା ଆସୁଛି, ଥଣ୍ଡା ଲାଗୁଛି…
Sleds on Snow
Or
Shayari on Snow.
My vote goes to the second…#Sunday
— anand mahindra (@anandmahindra) February 4, 2024
ଏହି ଭିଡିଓକୁ ଏପର୍ଯ୍ୟନ୍ତ ୧୧ ହଜାରରୁ ଅଧିକ ଲୋକ ଲାଇକ୍ କରିସାରିଛନ୍ତି । ଭିଡିଓରେ ଅନେକ କମେଣ୍ଟ ମିଳିଛି ଏବଂ ସମସ୍ତେ ଏହାକୁ ପସନ୍ଦ କରୁଛନ୍ତି ।
