ନନ୍ଦନକାନନ : ନନ୍ଦନକାନନ ପ୍ରାଣୀଉଦ୍ୟାନକୁ ଶନିବାର ରାତିରେ ଦୁଇ ପ୍ରଜାତିର ଦୁଇ ଜନ୍ତୁ ଆସିଛନ୍ତି। ହାଇଦ୍ରାବାଦର ଏକ ଘରୋଇ ସଂସ୍ଥାର କ୍ବାରେଣ୍ଟାଇନରୁ ଗୋଟିଏ ଅଣ୍ଡିରା ଓ୍ବାଲାବି ଓ ଗୋଟିଏ ମାଈ ଲିଭିଙ୍ଗଷ୍ଟୋନ ଟୁରାକୋ ଉପହାର ସ୍ବରୂପ ପ୍ରାଣୀଉଦ୍ୟାନକୁ ଅଣାଯାଇଛି। ଏମାନଙ୍କୁ ପ୍ରାଣୀଉଦ୍ୟାନର ଚିକିତ୍ସକଙ୍କ ଦ୍ବାରା ପ୍ରାଥମିକ ସ୍ବାସ୍ଥ୍ୟ ପରୀକ୍ଷା କରାଯାଇ କ୍ବାରେଣ୍ଟାଇନରେ ରଖାଯାଇଛି ବୋଲି ନନ୍ଦନକାନନର ଜନ୍ତୁ ବିଭାଗର ଜଣେ ଅଧିକାରୀ କହିଛନ୍ତି। ସୂଚନାଯୋଗ୍ୟଯେ,ଗତ ୨୦୨୩ ଡିସେମ୍ବର ୨୨ରେ ନନ୍ଦନକାନନ କର୍ତ୍ତୃପକ୍ଷ ଏହି ଘରୋଇ ସଂସ୍ଥାରୁ ଗୋଟିଏ ମାଈ ଅଣ୍ଡିରା ଓ୍ବାଲାବି ଓ ଗୋଟିଏ ମାଈ ଅଣ୍ଡିରା ଲିଭିଙ୍ଗଷ୍ଟୋନ ଟୁରାକୋ କ୍ରୟକରି ପ୍ରାଣୀଉଦ୍ୟାନକୁ ଆଣିଥିଲେ। ସେମାନଙ୍କ ମଧ୍ୟରୁ ପ୍ରଥମେ ଗୋଟିଏ ଲିଭିଙ୍ଗଷ୍ଟୋନ ଟୁରାକୋ ଓ ପରେ ଗତ ୧୧ତାରିଖରେ ଗୋଟିଏ ଅଣ୍ଡିରା ଓ୍ବାଲାବି ମୃତ୍ୟୁ ଘଟିଥିଲା। ଦୁଇ ଜନ୍ତୁଙ୍କର ମୃତ୍ୟୁ ପରେ ନନ୍ଦନକାନନ କର୍ତ୍ତୃପକ୍ଷ ହାଇଦ୍ରାବାଦ ଘରୋଇ ସଂସ୍ଥା ସହ କଥାହେବା ପରେ ସେଠାକାର ସଂସ୍ଥା ନନ୍ଦନକାନନରେ ମୃତ୍ୟୁ ଘଟିଥିବା ଦୁଇ ଜନ୍ତୁଙ୍କ ବଦଳରେ ଉପହାର ଭାବେ ପୁଣି ଗୋଟିଏ ଓ୍ବାଲାବି ଓ ଗୋଟିଏ ଲିଭିଙ୍ଗଷ୍ଟୋନ ଟୁରାକୋ ଦେଇଛନ୍ତି।
Popular Categories
Previous article
Next article