ଭୁବନେଶ୍ୱର- ଗତ କିଛି ଦିନହେବ ଏକାଧିକ କାଳବୈଶାଖୀ ଝଡ଼ ହୋଇଥିବାରୁ କିଛି ଘଂଟା ଭିତରେ ବିଦ୍ୟୁତ ଭିତିଭୂମିରେ ବ୍ୟାପକ କ୍ଷୟକ୍ଷତି ହୋଇଛି । ନିରବଚ୍ଛିନ୍ନ ବିଦ୍ୟୁତ ଯୋଗାଣ ସୁନିଶ୍ଚିତ କରିବା ଲାଗି ଟିପିସିଓଡିଏଲ୍ ଏହାର ୭,୭୦୦ରୁ ଅଧିକ କାର୍ଯ୍ୟରତ କର୍ମଚାରୀ, ଲାଇନ୍ମ୍ୟାନ୍ ଓ ଇଞ୍ଜିନିୟରଙ୍କୁ ମରାମତି କାର୍ଯ୍ୟରେ ମୁତୟନ କରିଯିବା ସୂଚନା ଦେଇଛି । ଅନେକ ସ୍ଥାନରେ ବିଦ୍ୟୁତ ଯୋଗଣରେ ଅନିୟମିତା ଅଭିଯୋଗ ହେଉଥିବା ବେଳେ ଗ୍ରାହକମାନଙ୍କୁ ନିରବିଚ୍ଛିନ୍ନନ ବିଦ୍ୟୁତ୍ ଯୋଗାଣ ପାଇଁ ଚେଷ୍ଟିତ ଥିବା କଥା କୁହାଯାଇଛି ।
Kalbaisakhis have become more frequent; more intense too causing wide spread damage to power infrastructure. These workers work day and night, sometimes under intense heat wave conditions to restore power supply. They deserve our #Respect.@IPR_Odisha @TataPower @TPCentralOdisha pic.twitter.com/ecgffOGhNa
— Energy Odisha (@EnergyOdisha) June 14, 2023
କାଳ ବୈଶାଖି ତଥା ଅନ୍ୟ ପ୍ରତିକୂଳ ସମୟରେ ଏହାର କର୍ମଚାରୀମାନେ ଗ୍ରାହକମାନଙ୍କୁ ତୁରନ୍ତ ବିଦ୍ୟୁତ୍ ଯୋଗାଇ ଦେବା ପାଇଁ ଚେଷ୍ଟା କରୁଥିବା କମ୍ପାନୀ ପକ୍ଷରୁ କୁହାଯାଇଛି । ପ୍ରଭାବିତ ଅଂଚଳର ୬,୦୦,୦୦୦ରୁ ଅଧିକ ଗ୍ରାହକ ଉପକୃତ ହୋଇପାରିଛନ୍ତି ବୋଲି ଟିପିସିଡିଏଲ୍ ପକ୍ଷରୁ ସୂଚନା ଦିଆଯାଇଛି ।
ଟିମ୍କୁ ବିଦ୍ୟୁତ ଖୁଂଟ, କଣ୍ଡକ୍ଟର, ଆସେସୋରି, ହାଇଡ୍ରା ଓ ପୋଲମାଷ୍ଟର ପ୍ରଦାନ କରାଯାଇଛି ଏବଂ ରାତିରେ ପୁନରୁଦ୍ଧାର କାମ କରିବା ଲାଗି ସେମାନଙ୍କୁ ଆସ୍କା ଆଲୋକ ବ୍ୟବସ୍ଥା କରାଯାଇଛି । ଭରସାଯୋଗ୍ୟ ବିଦ୍ୟୁତ ଯୋଗାଣ ସୁନିଶ୍ଚିତ କରିବା ଲାଗି ସବୁ ପ୍ରକାର ସୁରକ୍ଷା ନିୟମକୁ ପାଳନ କରି କଠିନ ସ୍ଥିତିରେ କମ୍ପାନୀର କର୍ମଚାରୀମାନେ କାର୍ଯ୍ୟ କରୁଥିବା କୁହାଯାଇଛି ।
