ଟୋକିଓ : ଟୋକିଓ ପାରାଲିମ୍ପିକ୍ସର ମହିଳା ଟେବୁଲ ଟେନିସ ଖେଳାଳି ଭାବିନାବେନ ପଟେଲ ପ୍ରି-କ୍ବାର୍ଟର ଫାଇନାଲରେ ପ୍ରବେଶ କରିଥିବାବେଳେ ସୋନାଲବେନ୍ ପଟେଲ ବିଦାୟ ନେଇଛନ୍ତି। ଗୁରୁବାର ଖେଳାଯାଇଥିବା ଗ୍ରୁପ-ଏ ର ଦ୍ବିତୀୟ ରାଉଣ୍ଡ ମ୍ୟାଚରେ ଭାରତୀୟ ପାରା ଟେବୁଲଟେନିସ ଖେଳାଳି ଭାବିନାବେନ୍ ୩-୧ ଗେମରେ ଗ୍ରେଟ୍ ବ୍ରିଟେନର ସାକେଲଟନ ମିଗାନଙ୍କୁ ପରାସ୍ତ କରିଛନ୍ତି। ପ୍ରଥମ ମ୍ୟାଚରେ ବିଶ୍ବର ଏକ ନମ୍ବର ଚୀନ୍ର ଝୌ ଝେଙ୍ଗଙ୍କ ନିକଟରୁ ସିଧାସଳଖ ପରାସ୍ତ ହୋଇଥିବା ଭାବିନାବେନଙ୍କ ପାଇଁ ଦ୍ବିତୀୟ ରାଉଣ୍ଡ ମ୍ୟାଚ କର ବା ମର ସଦୃଶ ହୋଇଥିଲା। ଭାବିନା ଦ୍ବିତୀୟ ରାଉଣ୍ଡ ମ୍ୟାଚରେ ବିଶ୍ବ ମାନ୍ୟତାର ୯ତମ ସ୍ଥାନରେ ଥିବା ସାକେଲ୍ଟନଙ୍କୁ ପ୍ରଥମ ଗେମ୍ରେ ୧୧-୭ରେ ଜିତି ନେଇଥିଲେ। ଦ୍ବିତୀୟ ଗେମ୍ରେ ସାକେଲଟନ ପ୍ରତ୍ୟାବର୍ତ୍ତନ କରିବା ସହିତ ୯-୧୧ରେ ଜିତିଥିଲେ। ଭାବିନା ତୃତୀୟ ଗେମ୍କୁ ୧୭-୧୫ ଓ ଚତୁର୍ଥ ଗେମ୍କୁ ୧୩-୧୧ରେ ଜିତି ନେଇଥିଲେ। ଏହି ବିଜୟ ସହ ଭାବିନା ୩ ପଏଣ୍ଟ ପାଇ ଗ୍ରୁପ ଦ୍ବିତୀୟ ସ୍ଥାନରେ ରହିବା ସହିତ ଶେଷ ୧୬ରେ ପ୍ରବେଶ କରିଛନ୍ତି। ସେହିପରି ସୋନାଲବେନ୍ ଗ୍ରୁପର ଦ୍ବିତୀୟ ରାଉଣ୍ଡ ମ୍ୟାଚରେ ପରାଜିତ ହୋଇ ପ୍ରତିଯୋଗିତାରୁ ବିଦାୟ ନେଇଛନ୍ତି। ପ୍ରଥମ ରାଉଣ୍ଡ ମ୍ୟାଚରେ ପରାଜିତ ହୋଇଥିବା ସୋନାଲବେନ୍ ଦ୍ବିତୀୟ ରାଉଣ୍ଡରେ କୋରିଆର ଲି .ମି ଗିୟୁଙ୍କ ନିକଟରୁ ୧୨-୧୦, ୫-୧୫, ୩-୧୧ ଓ ୯-୧୧)୧-୩)ରେ ପରାଜିତ ହୋଇଛନ୍ତି। ଏଥିସହିତ ସୋନାଲବେନ୍ ଟୋକିଓ ପାରାଲିମ୍ପିକ୍ସ ଅଭିଯାନ ଶେଷ କରିଛନ୍ତି।
ଟୋକିଓ ପାରାଲିମ୍ପିକ୍ସ ଟେବୁଲ ଟେନିସ : ଭାବିନା ପ୍ରିକ୍ବାର୍ଟରରେ ; ସୋନାଲଙ୍କ ବିଦାୟ
Popular Categories
Previous article
Next article