ନୂଆଦିଲ୍ଲୀ: ଆଜି ଅଗଷ୍ଟ ମାସ ୧ ତାରିଖ । ଆଜିଠାରୁ ବାଣିଜ୍ୟିକ ଏଲପିଜି ସିଲିଣ୍ଡର ଶସ୍ତା ହୋଇଛି । ୧୯ କିଗ୍ରା ବ୍ୟବସାୟୀକ ସିଲିଣ୍ଡର ଉପରେ ବିଶେଷ ରିହାତି ହୋଇଥିବା ସୂଚନା ଦିଆଯାଇଛି । ସୂଚନା ମୁତାବକ ଇଣ୍ଡିଆନ୍ ଅଏଲ୍ ଏହି ସିଲିଣ୍ଡର ଉପରେ ୩୬ଟଙ୍କା ହ୍ରାସ କରିଛି । ଯାହାଦ୍ବାରା ବ୍ୟବସାୟୀ ମାନେ ଉପକୃତ ହୋଇପାରିବେ । ରାଜଧାନୀ ଦିଲ୍ଲୀରେ ବର୍ତ୍ତମାନ ବ୍ୟବସାୟିକ ସିଲିଣ୍ଡର ଦାମ୍ ୧,୯୭୬.୫୦ ଟଙ୍କା ରହିଛି । ଗତମାସରେ ଏହା ୨୦୧୨.୫୦ ଟଙ୍କା ଥିଲା । ସେହିପରି କୋଲକାତାରେ ୨୦୯୫.୫୦ଟଙ୍କା, ମୁମ୍ବାଇରେ ୧୯୩୬.୫୦ ଟଙ୍କା ରହିଛି ।
ଚେନ୍ନାଇରେ ମଧ୍ୟ ବ୍ୟବସାୟୀକ ସିଲିଣ୍ଡର ଦାମ୍ ହ୍ରାସ ଘଟିଛି । ହେଲେ ଘରୋଇ ରନ୍ଧନ ଗ୍ୟାସ ସିଲିଣ୍ଡର ଦାମରେ କୌଣସି ପରିବର୍ତ୍ତନ କରାଯାଇନାହିଁ । ବର୍ତ୍ତମାନ ଦିଲ୍ଲୀରେ ଘରୋଇ ରନ୍ଧନ ଗ୍ୟାସ ମୂଲ୍ୟ ୧୦୫୩ଟଙ୍କା ରହିଥିବା ବେଳେ ମୁମ୍ବାଇରେ ୧୦୫୩ଟଙ୍କା, କୋଲକାତାରେ ୧୦୭୯ଟଙ୍କା ଓ ଚେନ୍ନାଇରେ ୧୦୬୮ଟଙ୍କା ୫୦ ପଇସା ରହିଛି ।
Comments are closed.