ନୂଆଦିଲ୍ଲୀ: କୋଭିଡ ମହାମାରୀକୁ ସଂପୂର୍ଣ୍ଣ ପରାସ୍ତ କରିବାକୁ ହେଲେ କୋଭିଡ କଟକଣା ପାଳନ ସହିତ ଟିକାକରଣ ଜରୁରୀ । ଜନସାଧାରଣଙ୍କୁ ଏହି କଥା ବୁଝାଇ ସେମାନଙ୍କ ମଧ୍ୟରେ ସଚେତନତା ସୃଷ୍ଟି ଲକ୍ଷ୍ୟରେ ଜଣେ ଯବାନ ଆରମ୍ଭ କରିଛନ୍ତି ଏକ ଅଭିନବ ପ୍ରୟାସ । ଏକ ଟ୍ରଲିରେ ୧୯୭ ରାଷ୍ଟ୍ରର ଜାତୀୟ ପତାକା ଲଗାଇ ତାହାକୁ ଟାଣି ଟାଣି ସେ ଚାଲି ଚାଲି ରାସ୍ତାରେ ଯାଉଛନ୍ତି । ବାଟରେ ଯାହାକୁ ଦେଖୁଛନ୍ତି ସେମାନଙ୍କୁ କୋଭିଡ ଟିକାକରଣର ପ୍ରଭାବୀ ଦିଗ ସମ୍ପର୍କରେ ସଚେତନ କରାଉଛନ୍ତି ।
ଏହି ଯବାନଙ୍କ ନାମ ବାଲମୁରୁଗାନ । ୨୦୦୮ରେ ସେ ଭାରତୀୟ ସେନାରେ ଜଣେ ଯବାନ ଭାବରେ ଯୋଗଦେଇଥିଲେ । କରୋନା ମହାମାରୀର ଦ୍ୱିତୀୟ ଲହର ଦେଶରେ ଭୟାନକ ପରିସ୍ଥିତି ସୃଷ୍ଟି କରିବାପରେ ଏହାର ଉଚିତ ମୁକାବିଲା ନିମନ୍ତେ ଜନସାଧାରଣଙ୍କ ମଧ୍ୟରେ ସଚେତନତା ସୃଷ୍ଟି କରିବାକୁ ସ୍ଥିର କରିଥିଲେ ବାଲମୁରୁଗାନ । ସେଥିପାଇଁ ଅକ୍ଟୋବର ୧୬ରୁ ସେ ନିଜର ଯାତ୍ରା ଆରମ୍ଭ କରିଛନ୍ତି । କୋଭିଡ ମୁକାବିଲା ନିମନ୍ତେ ଦେଶର ପ୍ରଧାନମନ୍ତ୍ରୀ, ସମସ୍ତ ରାଜ୍ୟର ମୁଖ୍ୟମନ୍ତ୍ରୀ, ଡାକ୍ତର, ସ୍ୱାସ୍ଥ୍ୟସେବା କ୍ଷେତ୍ରରେ ନିୟୋଜିତ କର୍ମଚାରୀ ଆଦି ଯେଉଁମାନେ ଗତ ଦେଢବର୍ଷ ଧରି ନିରଳସ ଭାବରେ କାର୍ଯ୍ୟ କରୁଛନ୍ତି, ସେମାନଙ୍କୁ ମଧ୍ୟ ଏହାଦ୍ୱାରା ସେ ଉପଯୁକ୍ତ ସମ୍ମାନ ପ୍ରଦର୍ଶନ କରିପାରିବେ ବୋଲି କହିଛନ୍ତି ଏହି ଯବାନ । ତାଙ୍କର ଯାତ୍ରା ରାମେଶ୍ୱରମରୁ ଆରମ୍ଭ ହୋଇଛି ଏବଂ ଅଯୋଧ୍ୟାରେ ଶେଷ ହେବ । ତିନିମାସ ମଧ୍ୟରେ ସେ ନିଜର ସଚେତନତା ଯାତ୍ରା ଶେଷ କରିବାକୁ ଲକ୍ଷ୍ୟ ରଖିଛନ୍ତି ।
୧୯୭ ରାଷ୍ଟ୍ରର ଜାତୀୟ ପତାକା ଧରି ୨୮୦୦ କିଲୋମିଟର ଚାଲି ଚାଲି ଯାତ୍ରା: ଟିକାକରଣ ସମ୍ପର୍କରେ ସଚେତନତା ସୃଷ୍ଟି ଲକ୍ଷ୍ୟ
Popular Categories
Previous article
Next article