ଚୀନର ଦ୍ୱିତୀୟ ସ୍ପେସ୍ ଷ୍ଟେସନ୍ ଆସନ୍ତା ବର୍ଷ ପୃଥିବୀରେ ପଡ଼ିବାର ସମ୍ଭାବନା ରହିଛି। ଏହି ସୂଚନା ଖୋଦ୍ ଚୀନ ଅନ୍ତରୀକ୍ଷ ସଂସ୍ଥା ପକ୍ଷରୁ ଦିଆଯାଇଛି। ସୂଚନା ଅନୁସାରେ, ଚୀନର ଦ୍ୱିତୀୟ ସ୍ପେସ୍ ଷ୍ଟେସନ୍ ‘ତିୟାଗୋଙ୍ଗ୍-୨’ ନିଜ ନିୟନ୍ତ୍ରଣ ହରାଇ ସାରିଛି ଓ ନିଜ କକ୍ଷପଥରୁ ବିସ୍ଥାପିତ ହୋଇଯାଇଛି। ଏହା ଆସନ୍ତା ବର୍ଷ ଏପ୍ରିଲ ମାସରେ ଦକ୍ଷିଣ ପ୍ରଶାନ୍ତ ମହାସାଗରରେ ପଡ଼ିବ। କୁହାଯାଉଛି ଯେ, ଏହି ସ୍ପେସ୍ ଷ୍ଟେସନ୍ ସମୁଦ୍ରରେ ପହଞ୍ଚିବା ବେଳକୁ ଏହାର ଅଧିକାଂଶ ଭାଗ ଜଳି ନଷ୍ଟ ହୋଇ ସାରିଥିବ।
ଚୀନ ଅନ୍ତରୀକ୍ଷ ସଂସ୍ଥାର ଅନ୍ୟଜଣେ ଅଧିକାରୀଙ୍କ କହିବା ଅନୁସାରେ, ତିୟାଗୋଙ୍ଗ୍-୨ ନାମକ ଏହି ସ୍ପେସ୍ ଷ୍ଟେସନ୍ ଦୁଇ ବର୍ଷ କାର୍ଯ୍ୟକ୍ଷମ ଥିଲା, ଯାହାକି ସଫଳତା ପୂର୍ବକ ନିଜ ମିଶନ ପୂରା କରି ସାରିଛି। ଏହି ସ୍ପେସ୍ ଷ୍ଟେସନ୍ ଜୁଲାଇ ୨୦୧୯ ପର୍ଯ୍ୟନ୍ତ ଅନ୍ତରୀକ୍ଷରେ ସମ୍ପୂର୍ଣ୍ଣ ନିୟନ୍ତ୍ରଣ ସହିତ ନିଜ କକ୍ଷ ପଥରେ ରହିବ।
୨୦୧୬ ରେ ଯେତେବେଳେ ତିୟାଗୋଙ୍ଗ୍-୨ ଅନ୍ତରୀକ୍ଷକୁ ପ୍ରେରଣ କରାଯାଇଥିଲା, ସେତେବେଳେ ଚୀନର ଦୁଇ ଅନ୍ତରୀକ୍ଷ ଯାତ୍ରୀ ମଧ୍ୟ ଏହା ସହିତ ଯାଇଥିଲେ। ସେମାନେ ଅନ୍ତରୀକ୍ଷରେ ଗୋଟିଏ ମାସ ବିତାଇଥିଲେ। ମନୁଷ୍ୟକୁ ଅନ୍ତରୀକ୍ଷକୁ ନେଇଥିବା ଚୀନର ଏହା ସବୁଠାରୁ ଲମ୍ବା ସମୟର ମିଶନ ଥିଲା। ଆସନ୍ତା ବର୍ଷ ପୃଥିବୀରେ ପଡ଼ିବାକୁ ଥିବା ଏହି ସ୍ପେସ୍ ଷ୍ଟେସନ୍ ର ଲମ୍ବା ୩୪ ଫୁଟ୍ ଓ ଓସାର ୧୪ ଫୁଟ୍। ଏହାର ଓଜନ ୮୬୦୦ କିଲୋଗ୍ରାମ ରହିଛି।
ଦୁଇ ବର୍ଷ ପରେ ଫେରିବ ଚୀନର ସ୍ପେସ୍ ଷ୍ଟେସନ୍
Popular Categories
Previous article
Next article