ମେଷ: ଜଗତ ପିତାଙ୍କୁ ସ୍ମୃତିପୂର୍ବକ ନାନା ସୁଖର ଅଧିକାରୀ ହୋଇପାରନ୍ତି। ବିଶାଳ ଯଶ ଅର୍ଜନ କରି ମହାନ୍ କୀର୍ତ୍ତିସ୍ତମ୍ଭ ସ୍ଥାପନ କରିବେ। ଶତ୍ରୁ ଉପରେ ବିଜୟ ହାସଲ କରିବେ। ଧର୍ମ କାର୍ଯ୍ୟରେ ଧନ ବ୍ୟୟ କରିବେ।
ବୃଷ: ବିନୟୀ ଭାବସମ୍ପନ୍ନ ହୋଇପାରନ୍ତି। ବହୁ ମିତ୍ରାର୍ଜନେ ତତ୍ପର ହେବେ। ପ୍ରଥିତ ପ୍ରତାପସମ୍ପନ୍ନ ହୋଇପାରନ୍ତି। ଦ୍ବିଜମାନଙ୍କ ପ୍ରତି ଦୃଢ଼ ଅନୁରକ୍ତି ରହିବ। ଦୃଢ଼ ପୌରୁଷର ଅଧିକାରୀ ହେବେ। କର୍ମଠ ହେବେ।
ମିଥୁନ: ଦାନକୁ ଜୀବନର ବ୍ରତଭାବେ ଗ୍ରହଣ କରିପାରନ୍ତି। ସଦା ସନ୍ମାର୍ଗୀ ହୋଇ ରହିବେ। ସନ୍ତାନ ସୁଖ ମିଳିବ। ଜଣେ ସତ୍ଚରିତ୍ରଙ୍କୁ ପ୍ରାଣପ୍ରିୟା ଭାବେ ଗ୍ରହଣ କରିବେ। ଧନବାନ୍ ହେବେ। ନୀତିନିଷ୍ଠ ହେବେ।
କର୍କଟ: ଭ୍ରମଣ ବ୍ୟର୍ଥ ହୋଇପାରେ। ସୁଖ ମିଳିବ। କଷ୍ଟସାଧ୍ୟ ହେବ। ପତ୍ନୀଙ୍କ ବିରାଗ ଭାଜନ ହୋଇପାରନ୍ତି। ଆଗକୁ ବଢ଼ିବାରେ ବାଧା ଉପୁଜିପାରେ। ଜଗିରଖି ଚଳିଲେ ବିପଦମୁକ୍ତ ରହିବେ।
ସିଂହ: ମହିଳାମାନଙ୍କୁ ମାତୃବତ୍ ବିବେଚନା କରି ସନ୍ତୁଷ୍ଟ ଓ ସହାୟତା ପ୍ରଦାନ କରିପାରନ୍ତି। ନିଜର ସ୍ବଭାବ ସୁଲଭ ଗୁଣରେ ସେବା ବ୍ରତ ଆଚରଣ କରିବେ। ଆଦରଣୀୟ ବ୍ୟକ୍ତିବିଶେଷଭାବେ ସମସ୍ତଙ୍କ ପ୍ରିୟ ହେବେ।
କନ୍ୟା: ନିଜର ସହନଶୀଳ ଗୁଣ ଯୋଗଁୁ ଶତ୍ରୁତାର ଅବସାନ ଘଟିବ। ଆପଣଙ୍କ ପରିଶୋଧ ମନୋବୃତ୍ତିରେ ସନ୍ତୁଷ୍ଟ ହୋଇ ଋଣଦାତା କୋହଳ ମନୋଭାବ ପୋଷଣ କରିପାରନ୍ତି। ଦିନଟି ସମୃଦ୍ଧିପୂର୍ଣ୍ଣ ହେବ।
ତୁଳା: ସନ୍ତାନମାନେ ଆପଣଙ୍କ ବିନା ସହାୟତାରେ ନିଜ ଗୋଡ଼ରେ ଛିଡ଼ା ହେବାର ପ୍ରୟାସ ଜାରି ରଖିବେ। ପତ୍ନୀଙ୍କ ହେପାଜତରେ ସେମାନେ ଏକୁ ଆରେକ ବଳୀୟାନ୍ ହୋଇପାରନ୍ତି। କର୍ମଯୋଗୀ ହୋଇପାରନ୍ତି।
ବିଛା: ନାରୀ ହୋଇଥିଲେ ବି ପୁରୁଷ ସ୍ବଭାବସମ୍ପନ୍ନ ହୋଇପାରନ୍ତି। ଯେଉଁ କାର୍ଯ୍ୟକୁ ବଳବାନ୍ ପୁରୁଷମାନଙ୍କ ପାଇଁ କଷ୍ଟସାଧ୍ୟ ହେବ ସେହି କାର୍ଯ୍ୟକୁ ଆପଣ ଅକ୍ଲେଶରେ ସାଧନ କରି ପାରିବେ।
ଧନୁ: ନିରୀହ ସ୍ବଭାବସମ୍ପନ୍ନ ହୋଇପାରନ୍ତି। ପ୍ରମାଦହୀନ ହେବେ। ବହୁ ସାଧୁ ସେବା କରି ଆଶୀର୍ବାଦଯୁକ୍ତ ହେବେ। ମିତ୍ରାର୍ଜନେ ତତ୍ପରତା ପ୍ରକାଶ ପାଇବ। ନିର୍ଭରଶୀଳ ନ ହୋଇ ସ୍ବକର୍ତ୍ତବ୍ୟ ସମ୍ପାଦନ କରିବେ।
ମକର: ଦାରିଦ୍ର୍ୟ ଦୂରୀକରଣରେ ତତ୍ପରତା ପ୍ରକାଶ ପାଇବ। ବିଧର୍ମୀମାନଙ୍କୁ ଉଚିତ ଶିକ୍ଷା ଦେଇ ପାଖରୁ ଅନ୍ତର କରିବାରେ ସିଦ୍ଧହସ୍ତ ହେବେ। ଧନ ପ୍ରାପ୍ତି ନିମନ୍ତେ ବନ୍ଧୁଙ୍କ ସହ ବିବାଦଶୀଳ ହୋଇପାରନ୍ତି।
କୁମ୍ଭ: ପରଧନ ପାଇଁ ନିର୍ଲୋଭ ମନୋବୃତ୍ତିର ହୋଇପାରନ୍ତି। ସ୍ବଅର୍ଜିତ ଧନରେ ଧନୀ ହେବେ। ଶକ୍ତିପ୍ରିୟ ହୋଇପାରନ୍ତି। ଦୀର୍ଘଜୀବୀ ହେବେ। ରାଜନୀତିଜ୍ଞ ହୋଇପାରନ୍ତି। ଶତ୍ରୁ ବିନାଶକ ହେବେ। ଧନ ମିଳିପାରେ।
ମୀନ: ଆଳସ୍ୟ ପରାୟଣ ହୋଇପାରନ୍ତି। ପ୍ରଭାବଶାଳୀ ହେବେ। ପୁରଷାର୍ଥୀ ହୋଇପାରନ୍ତି। ବିଦେଶ ବ୍ୟବସାୟୀ ଥିଲେ ପ୍ରଚୁର ଲାଭ ପ୍ରାପ୍ତିର ସୂଚନା ମିଳୁଛି। ପତ୍ନୀ ସୁନ୍ଦରୀ ଓ ସୌଭାଗ୍ୟବତୀ ହେବେ।
