ଭୁବନେଶ୍ବର: ଭୁବନେଶ୍ବର ବିଜୁ ପଟ୍ଟନାୟକ ବିମାନବନ୍ଦରରେ ଗୁରୁବାରଠାରୁ ପୁଣି ଆରମ୍ଭ ହୋଇଛି ଥର୍ମାଲ ସ୍କ୍ରିନିଂ। ବିଦେଶୀ କରୋନା ଷ୍ଟ୍ରେନର ଭୟ ବଢୁଥିବାରୁ ଓଡିଶାରେ ଏପରି ସତର୍କତାମୂଳକ ପଦକ୍ଷେପ ଗ୍ରହଣ କରାଯାଇଛି।
ଓଡ଼ିଶାରେ କରୋନା ସ୍ଥିତି ସୁଧୁରୁଥିବା ବେଳେ ଏବେ ବିଦେଶୀ କରୋନା ଷ୍ଟ୍ରେନକୁ ନେଇ ଆତଙ୍କ ଦେଖାଦେଇଛି। ବିଏମସି ପକ୍ଷରୁ କରୋନା କଟକଣାକୁ କଡାକଡି କରାଯାଇଛି। ଭୁବନେଶ୍ୱର ବିଜୁ ପଟ୍ଟନାୟକ ବିମାନବନ୍ଦରରେ ଟେଷ୍ଟିଂ ପଏଣ୍ଟ ଜରିଆରେ ବିଦେଶ ତଥା ରାଜ୍ୟ ବାହାରୁ ଆସୁଥିବା ଯାତ୍ରୀମାନଙ୍କ ଥର୍ମାଲ ସ୍କ୍ରିନିଂ କରାଯାଉଛି। ଯେଉଁମାନଙ୍କଠାରେ ଲକ୍ଷଣ ଦେଖାଦେବ ସେମାନଙ୍କ କରୋନା ଟେଷ୍ଟ କରାଯିବା ବାଧ୍ୟତାମୂଳକ ବୋଲି ବିଏମସି ପକ୍ଷରୁ ସୂଚନା ମିଳିଛି। ସକାଳୁ ସନ୍ଧ୍ୟା ଯାଏଁ ସ୍କ୍ରିନିଂ କରାଯିବାକୁ ବ୍ୟବସ୍ଥା ହୋଇଛି। ଏଥିରେ ଗୋଟିଏ ଟିମ ନିୟୋଜିତ ହୋଇଛନ୍ତି।
- Advertisement -
