ମେଷ- କର୍ମକ୍ଷେତ୍ରରୁ ଅପୂର୍ବ ସଫଳତା ମିଳିବ। ଆର୍ଥିକ ସ୍ଥିତିରେ ପ୍ରଭୂତ ଉନ୍ନତି ଘଟିବ। ଶତ୍ରୁନାଶ, ଧନ ଭୋଗ ସହିତ ଐଶ୍ବର୍ଯ୍ୟ ପ୍ରାପ୍ତିର ସୂଚନା ମିଳୁଛି। ବିବାଦୀୟ ଘଟଣାରେ ବିଜୟ ଲାଭ କରିପାରନ୍ତି।
ବୃଷ- ଭାଗ୍ୟଶାଳୀ ହେବେ। ଜନସାଧାରଣଙ୍କଠାରୁ କ୍ଷମତା ପ୍ରାପ୍ତ ହୋଇ ତା’ର ସଦ୍ ବ୍ୟବହାର କରି ସୁନାମ ଅର୍ଜନ କରିବେ। ବିବାଦୀୟ ଘଟଣାରେ ବିଜୟୀ ହେବେ। କାର୍ଯ୍ୟ କ୍ଷେତ୍ରରୁ ଉଜ୍ଜ୍ବଳମୟ କରିପାରନ୍ତି।
ମିଥୁନ- ଆର୍ଥିକ ସ୍ଥିତିରେ ଅବନତି ଘଟିପାରେ। ସାମାନ୍ୟ ଅସୁସ୍ଥତା ଅନୁଭବ କରିପାରନ୍ତି। ମନୋବଳ ଦୁର୍ବଳ ହୋଇପାରେ। ମାନସିକ ସଂଘାତ ଅନୁଭବ କରିପାରନ୍ତି। ସ୍ବଳ୍ପ ସଂକ୍ରାନ୍ତ ଯୁକ୍ତ ଓ ପରାକ୍ରମୀ ହୋଇପାରନ୍ତି।
କର୍କଟ- ସୁଖକର ଘଟଣାମାନ ଘଟିପାରେ। କର୍ମପ୍ରବଣ ହେବେ ଓ ସୁଖ୍ୟାତି ଅର୍ଜନ କରିବେ। ସେବା କ୍ଷେତ୍ରରେ ନିଜର ପାରଦର୍ଶିତା ପ୍ରତିପାଦନ କରିପାରନ୍ତି। ସପତ୍ନୀକ ସାଧୁ ସେବାରେ ବ୍ରତୀ ହେବେ। ଭୋଜନ ରୁଚିକର ହେବ।
ସିଂହ- ମିଳିତ ଶକ୍ତି ପ୍ରୟୋଗ କରି ଶତ୍ରୁକୁ ପରାଜିତ କରିବେ ଓ ମାନସିକ ଶାନ୍ତି ଫେରିପାଇବେ। ଅତିଷ୍ଠ କରୁଥିବା ଋଣଭାର ଲାଘବ ହେବାର ସୂଚନା ମିଳୁଛି। ଭାଇମାନଙ୍କ ଉପରେ ସ୍ନେହଭାବ ରହିବ।
କନ୍ୟା- ମଧୁର ଭାଷୀ ହେବେ। ଜ୍ୟୋତିଷ ଶାସ୍ତ୍ର ପ୍ରତି ରୁଚି ରହିବ। ପ୍ରବଳ ପ୍ରତାପୀ ହେବେ। ବିବେକୀ ହୋଇପାରନ୍ତି। ଚଞ୍ଚଳ ପ୍ରକୃତିର କନ୍ୟା, ଜୀବନ ରକ୍ଷାର କବଚ ହୋଇପାରେ। ଶତ୍ରୁମାନେ ଅପସରି ଯାଇପାରନ୍ତି।
ତୁଳା- ପରିଶ୍ରମ କଷ୍ଟଦାୟକ ହୋଇପାରେ; ମାତ୍ର ତା’ର ମୂଲ୍ୟାଙ୍କନ ହେବ। କୃଷିରୁ ଆୟ ଉତ୍ତମ ମାନର ହୋଇପାରେ। ଶାସ୍ତ୍ରାଭ୍ୟାସୀ ହେବେ। ବିନୀତ ସ୍ବଭାବସମ୍ପନ୍ନ ହୋଇପାରନ୍ତି। ପତ୍ନୀ ମନ୍ତ୍ରଣାଦାତା ହୋଇପାରନ୍ତି।
ବିଚ୍ଛା- ସକଳ ଗୁଣଯୁକ୍ତ ସୁଖୀ ଓ କାବ୍ୟ ଶାସ୍ତ୍ରାନୁରକ୍ତ ହୋଇପାରନ୍ତି। କଣ୍ଠ ଫୁଲା ପାଇଁ ପ୍ରତିକାର କରିପାରନ୍ତି। ଥଣ୍ଡାକଫଜନିତ ସାମାନ୍ୟ କ୍ଲେଶ ଅନୁଭବ କରିପାରନ୍ତି। ଧାର୍ମିକ, ବନ୍ଧୁପ୍ରେମୀ ଓ ବିଦ୍ବାନ୍ ହେବେ।
ଧନୁ- ତ୍ୟାଗଶୀଳ ବ୍ୟକ୍ତିଭାବେ ନିଜର ନିର୍ଲୋଭତାର ପରିଚୟ ସୃଷ୍ଟି କରିବେ। ମତିମାନ୍ ହେବେ। ବିବିଧ ଧନଯୁକ୍ତ ହୋଇପାରନ୍ତି। ଚଞ୍ଚଳମନା, ହୃଷ୍ଟଚିତ୍ତ, ଅତିସୁଖୀ, ପ୍ରଫୁଲ୍ଲମୁଖ ଓ କୀର୍ତ୍ତିଶାଳୀ ହେବେ।
ମକର- ଭଲ ଆୟ ହେବ। ସରକାରୀ ବା ବନ୍ଧୁ ସହାୟତାରୁ ଲାଭବାନ୍ ହେବେ। ଭୋଜନ ଆନନ୍ଦଦାୟକ ହେବ। ଦାମ୍ପତ୍ୟ ଜୀବନ ସୁଖପ୍ରଦ ହେବ। ସ୍ବାସ୍ଥ୍ୟ ଅତୁଟ ରହିବ। ଚିନ୍ତାଧାରା ଉନ୍ନତମାନର ହେବ।
କୁମ୍ଭ- ଧାର୍ମିକ ପ୍ରବୃତ୍ତିର ହୋଇପାରନ୍ତି। କର୍ମଚଞ୍ଚଳ ରହିବେ। ଥଣ୍ଡାକଫଜନିତ ସାମାନ୍ୟ ପୀଡ଼ା ଅନୁଭବ କରିପାରନ୍ତି। ମଧୁର କଥାରେ ଅଧସ୍ଥନ କର୍ମଚାରୀଙ୍କୁ ଆପଣାର କରି କାର୍ଯ୍ୟ ହାସଲ କରିବେ। ଖର୍ଚ୍ଚାନ୍ତ ହେବେ।
ମୀନ- ଜ୍ଞାନ ପିପାସୁ ହେବେ। ସତ୍କର୍ମରେ ନିଜକୁ ନିୟୋଜିତ କରିବେ। ସରକାରୀ ସ୍ତରରୁ ଅର୍ଥ ସହିତ ସମ୍ମାନ ପ୍ରାପ୍ତିର ସୁଯୋଗ ଅଛି। ଯାନବାହନ ସୁଖ ମିଳିବ। କୀର୍ତ୍ତିମାନ୍ ହେବେ। ଗୁଣଜ୍ଞ ହେବେ।
Comments are closed.