କରୋନା ସମସ୍ତଙ୍କ ଜୀବନଶୈଳୀକୁ ପ୍ରଭାବିତ କରିବାରେ ଲାଗିଛି। ପିଲାଙ୍କ ପାଠପଢ଼ାରେ ଅନିୟମିତତା, ଯୁବପିଢ଼ିଙ୍କ କାର୍ଯ୍ୟଶୈଳୀ ସହ ବୟସ୍କଲୋକଙ୍କ ବିରକ୍ତିଭାବ ଦିନକୁଦିନ ବୃଦ୍ଧି ପାଉଥିବାର ସର୍ବେକ୍ଷଣରୁ ଜଣାପଡ଼ିଛି। ଗତ ସପ୍ତାହରେ ବ୍ରିଟେନ୍ ଗବେଷକଦଳ ୨ହଜାର ଯୁବପିଢ଼ିଙ୍କୁ ସାମିଲ କରି ଏକ ଗବେଷଣା କରିଥିଲେ। ଦରମା କାଟ ହେବା କାରଣରୁ ୧୪ ପ୍ରତିଶତ ଯୁବବର୍ଗ ଭବିଷ୍ୟତକୁ ନେଇ ଚିନ୍ତାରେ ପଡ଼ିଗଲେଣି। କରୋନା ଭାଇରସ୍ ସମସ୍ୟା ସମାପ୍ତ କେବେ ହେବ, ତାହାର ଉତ୍ତର କାହା ପାଖେ ନଥିବାବେଳେ ପରିସ୍ଥିତି ଯେ ଆଗାମୀ ଦିନରେ ସୁଧୁରିବ, ତାହା ମଧ୍ୟ କହିହେଉନାହିଁ।
- ତନ୍ମଧ୍ୟରୁ ୨୧ ପ୍ରତିଶତ ଯୁବପିଢ଼ି ସାଙ୍ଗସାଥିଙ୍କ ସହ ଗତ ୩ ମାସ ହେଲା ଦେଖାସାକ୍ଷାତ କରିପାରୁନାହାନ୍ତି, ହୋଟେଲ ଯାଇ ଭୋଜନ କରିବାରେ ମଧ୍ୟ କଟକଣା। ଯୁବକଯୁବତୀ ସାଧାରଣତଃ ନିଜ ସାଙ୍ଗସାଥିଙ୍କ ସହ ଭ୍ରମଣ କରିବାକୁ ପସନ୍ଦ କରିଥାନ୍ତି। ବର୍ତ୍ତମାନ ସେସବୁରେ ପୂର୍ଣ୍ଣଚ୍ଛଦ ପଡ଼ିଯାଇଛି।
- ମାନସିକ ଚାପ ଅଧିକାଂଶଙ୍କର ବଢ଼ିଚାଲିଛି। ଆମେରିକାର କେତୋଟି ଡିସ୍କୋ ଅନ୍-ଲାଇନ୍ ପାର୍ଟିର ସୁବିଧା ଉପଲବ୍ଧ କରାଇଥିଲା। ଦିନକେଇଟା ଯୁବପିଢ଼ି ଏହା ଜରିଆରେ ମନୋରଞ୍ଜନ କରିଥିଲେ ହେଲେ ପରେ ଏହାର ଲୋକପ୍ରିୟତା ହ୍ରାସ ପାଇଥିଲା।
- ୨୬ ପ୍ରତିଶତ ଯୁବକଯୁବତୀଙ୍କ ମତରେ ଆଉ କିଛି ମାସ ମଧ୍ୟରେ ସେମାନଙ୍କ ବନ୍ଧୁମାନେ ମଧ୍ୟ ଦୂରେଇଯିବେ। କାରଣ ଫୋନ୍ ବାର୍ତ୍ତାଳାପ ଜରିଆରେ ବନ୍ଧୁତ୍ବ ଆଉ ବେଶୀ ଦିନ ତିଷ୍ଠିବ ନାହିଁ।
- ମାନସିକ ଅସ୍ଥିରତା କାରଣରୁ ୪୦ ପ୍ରତିଶତରୁ ଅଧିକ ଯୁବବର୍ଗ ନିୟମିତ ନିଶାସେବନ କରୁଥିବାର ଅନୁଧ୍ୟାନରୁ ଜଣାପଡ଼ିଛି।
Comments are closed.