ରାଜ୍ୟଙ୍କୁ ୧.୧୧ ଲକ୍ଷ କୋଟି ଟଙ୍କା ସୁଧମୁକ୍ତ ଋଣ ଦେଇଛି କେନ୍ଦ୍ର

ନୂଆଦିଲ୍ଲୀ : ପୁଞ୍ଜି ବ୍ୟୟ ବଢ଼ାଇବା ପାଇଁ କେନ୍ଦ୍ର ସରକାର ସ୍ୱତନ୍ତ୍ର ସହାୟତା ପ୍ରଦାନ ଯୋଜନା ଅଧୀନରେ ରାଜ୍ୟଗୁଡ଼ିକୁ ଏପ୍ରିଲ-ଜାନୁଆରୀ ମଧ୍ୟରେ ପ୍ରାୟ ୧.୧୧ ଲକ୍ଷ କୋଟି ଟଙ୍କାର ସୁଧମୁକ୍ତ ଋଣ ପ୍ରଦାନ କରିଛନ୍ତି। ଏନେଇ ସୋମବାର ଅର୍ଥ ରାଷ୍ଟ୍ରମନ୍ତ୍ରୀ ପଙ୍କଜ ଚୌଧୁରୀ ସୂଚନା ଦେଇଛନ୍ତି।

୨୦୨୪-୨୫ ବଜେଟରେ, ଅର୍ଥମନ୍ତ୍ରୀ ନିର୍ମଳା ସୀତାରମଣ ପୁଞ୍ଜି ବ୍ୟୟ ପାଇଁ ରାଜ୍ୟଗୁଡ଼ିକୁ ସୁଧମୁକ୍ତ ଋଣ ପାଇଁ ଆବଣ୍ଟନ ବୃଦ୍ଧି କରିଥିଲେ। ଏହା ଫଳରେ ରାଜ୍ୟଗୁଡ଼ିକ ଭିତ୍ତିଭୂମି ଏବଂ ନିର୍ଦ୍ଦିଷ୍ଟ ସଂସ୍କାର ପାଇଁ ଅଧିକ ଖର୍ଚ୍ଚ କରିପାରିବେ। ଏହାଦ୍ବାରା ବିହାର ସର୍ବାଧିକ ଉପକୃତ ହୋଇଛି।