ନବରଙ୍ଗପୁର : ଆଖୁ ଘଣାରେ ନିଆଁ ଲାଗି ଲକ୍ଷାଧିକ ଟଙ୍କାର ଗୁଡ଼ ଓ ଆଖୁ ପେଡା ମୋଟର ନଷ୍ଟ ହୋଇଛି। ନବରଙ୍ଗପୁର ଜିଲ୍ଲା ନନ୍ଦାହାଣ୍ଡି ବ୍ଲକ ଅନ୍ତର୍ଗତ ଏସ୍ ମାଳିଗୁଡା ଠାରେ ଲାଇବାନ ଅମାନ୍ୟତ ଙ୍କ ଆଖୁ ଘଣାରେ ନିଆଁ ଲାଗି ଲକ୍ଷାଧିକ ଟଙ୍କାର ଗୁଡ଼ , ୧୪ ହଜାର ଟଙ୍କା ଓ ଆଖୁ ପେଡା ମଟର ଆଦି ପୋଡ଼ି ପାଉଁଶ ହୋଇଯାଇଛି। ଧାର କରଜ କରି ଚାଷ କରାଯାଇଥିବା ଫସଲ ଠିକ ଅମଳ ସମୟରେ ପୋଡ଼ି ନଷ୍ଟ ହୋଇଯାଇଥିବା ଯୋଗୁଁ ଋଣ ଶୁଝିବା ନେଇ ବର୍ତ୍ତମାନ ଚିନ୍ତାରେ ଚାଷୀ।
ସ୍ଥାନୀୟ ବାସିନ୍ଦାଙ୍କ କହିବା ଅନୁଯାୟୀ ଆଖୁ ଘଣା ପାଖରେ ଏକ ୧୧ କେଭି ତାରରେ ସର୍ଟ୍ ସର୍କିଟ ଯୋଗୁଁ ନିଆଁ ଝୁଲା ଖସି ପାଖରେ ଥିବା ଆଖୁ ଚପାରେ ପଡିଥିଲା। ଚାହୁଁ ଚାହୁଁ ନିଆଁ ବ୍ୟାପି ଯାଇଥିଲା । ଏହି ଘଟଣା ଘଟିଥିବା ସ୍ଥାନୀୟ ଲୋକମାନେ କହିଛନ୍ତି। ଏହି ଅଗ୍ନିକାଣ୍ଡରେ ଲାଇବନ ଅମାନତ୍ୟ ସର୍ବହରା ହୋଇଛନ୍ତି। ତାଙ୍କୁ ସହାୟତା ଯୋଗାଇବାକୁ ସରକାର ଠାରେ ନିବେଦନ କରିଛନ୍ତି, ଆଖୁ ଚାଷୀଙ୍କ ପଚାଶ ବସ୍ତା ଗୁଡ଼, ଆଖୁ ପେଡା ମେସିନ, ଆସବାସ ପତ୍ର ସହ ପ୍ରାୟ ତିନି ଲକ୍ଷ ଟଙ୍କାର ଜିନିଷ ପତ୍ର ପୋଡି ପାଉଁଶ ହୋଇଯାଇଛି। ଏଥିପାଇଁ ଚାଷୀ ଲାଇବାନ ଅମନାତ୍ୟ ଏହି ସର୍ଟ ସର୍କିଟ ଯୋଗୁଁ ଯେଉଁ କ୍ଷତି ହୋଇଛି ସେଥିପାଇଁ ସହାୟତା ଯୋଗାଇଦେବା ପାଇଁ ଜିଲ୍ଲା ପ୍ରଶାସନ ଏବଂ ସରକାରଙ୍କ ନିକଟରେ ଅନୁରୋଧ କରିଛନ୍ତି ।
