ରେଙ୍ଗାଲିକ୍ୟାମ୍ପ : ଅତାବିରା ଉଚ୍ଚ ବିଦ୍ୟାଳୟରେ ଜିଲ୍ଲା ଶିକ୍ଷା ଓ ତାଲିମ ପ୍ରତିଷ୍ଠାନ ବରଗଡ଼ ଆନୁକୂଲ୍ୟରେ ଚାରିଦିନିଆ ପ୍ରଧାନ ଶିକ୍ଷକଙ୍କ ନିରନ୍ତର ବୃତ୍ତିଗତ ବିକାଶ ପାଇଁ ‘ସଂପୃକ୍ତି’ ତାଲିମ୍ କାର୍ଯ୍ୟକ୍ରମ ଉଦଯାପିତ ହୋଇଯାଇଛି । ଉଦଯାପନୀ ଦିବସରେ ବ୍ଲକ ଶିକ୍ଷା ଅଧିକାରୀ ମିଶ୍ରାଣୀ କୁମ୍ଭାର ମୁଖ୍ୟ ଅତିଥି ରୂପେ ଯୋଗ ଦେଇଥିବା ବେଳେ , ଅତିରିକ୍ତ ବ୍ଲକ ଶିକ୍ଷା ଅଧିକାରୀ ତପନ କୁମାର ଦାସ ଓ ବିଆରସିସି ତଥା ଏବିଇଓ କାର୍ତ୍ତିକ ବାଗ ସମ୍ମାନିତ ଅତିଥି ରୂପେ ଯୋଗଦାନ କରି ଥିଲେ । ୨୦୨୦ ଜାତୀୟ ଶିକ୍ଷାନୀତି ଉପରେ ସମତା, ଅନ୍ତନିବେଶ ଶିକ୍ଷାନୀତିକୁ ଅବଲମ୍ବନ କରି ସୂଚନା ଓ ପ୍ରଯୁକ୍ତି ବିଦ୍ୟା ଉପରେ ବିଶେଷ ଗୁରୁତ୍ବ ଦେଇ ପ୍ରାଥମିକ ବିଦ୍ୟାଳୟ ମାନଙ୍କରେ ଏହାକୁ ପ୍ରୟୋଗ କରିବା ପାଇଁ ତାଲିମ ଦିଆଯାଇଥିଲା। ଯାହା ଦ୍ଵାରା ଛାତ୍ରଛାତ୍ରୀ ମାନେ ପ୍ରଯୁକ୍ତି ବିଦ୍ୟା ପ୍ରତି ଆଗ୍ରହ ପ୍ରକାଶ କରିବେ ବୋଲି ତାଲିମ ଦାତା ମାନେ କହିଥିଲେ। ଏହି ତାଲିମ କାର୍ଯ୍ୟକ୍ରମରେ ବ୍ଲକର ପଚାଶ ଜଣ ପ୍ରଧାନ ଶିକ୍ଷକ- ଶିକ୍ଷୟିତ୍ରୀ ଅଂଶଗ୍ରହଣ କରିଥିବା ବେଳେ ସାଧନ କର୍ମୀ ଭାବରେ ପ୍ରମୋଦ କୁମାର ମେହେର, ପୁର୍ଣ୍ଣଚନ୍ଦ୍ର ବେହେରା, ମଧୁସୂଦନ ନାଏକ ଏବଂ ସନ୍ତୋଷ କୁମାର କାଲୋ ତାଲିମ ପରିଚାଳନା କରିଥିଲେ। ଏହି କାର୍ଯ୍ୟକ୍ରମରେ ସିଆରସିସି ନନ୍ଦିଘୋଷ ଭୁଏ ଓ ନୃପ ଭୁଏ ସହଯୋଗ କରିଥିଲେ।
Popular Categories
Previous article
Next article