ଦୁବାଇ : ଅକ୍ଟୋବର ୧୭ରୁ ନଭେମ୍ବର ୧୪ ପର୍ଯ୍ୟନ୍ତ ୟୁଏଇରେ ଟ୍ବେଣ୍ଟି-୨୦ ବିଶ୍ବକପ୍ ଆୟୋଜନ ହେବ। ଏହି ବିଶ୍ବକପ୍ର ସଂଗୀତ ଗୁରୁବାର ଉନ୍ମୋେଚିତ ହୋଇଛି । ଏହାସହ ବିଶ୍ବକପ୍ର ପ୍ରଚାର ପାଇଁ ମଧ୍ୟ ଏକ କ୍ଷୁଦ୍ର ଚଳଚ୍ଚିତ୍ର ଉନ୍ମୋଚିତ ହୋଇଛି । ଏଥିରେ ଭାରତୀୟ ଅଧିନାୟକ ବିରାଟ କୋହଲି ଓ ୱେଷ୍ଟଇଣ୍ଡିଜ୍ ଅଧିନାୟକ କୈରନ ପୋଲାର୍ଡଙ୍କ ଭିନ୍ନ ଅବତାର ଦେଖିବାକୁ ମିଳିଛି। ଉନ୍ମୋଚିତ ହୋଇଥିବା ବିଶ୍ବକପ୍ର ସଂଗୀତର ସ୍ବର ସଂଯୋଜନା କରିଛନ୍ତି ବଲିଉଡ୍ର ପ୍ରସିଦ୍ଧ ସଂଗୀତ ନିର୍ଦେଶକ ଅମିତ ତ୍ରିବେଦୀ । ଏହି ସଂଗୀତ ସହ କ୍ଷୁଦ୍ର ଚଳଚ୍ଚିତ୍ରରେ ସାରାବିଶ୍ବର ଯୁବ କ୍ରିକେଟପ୍ରେମୀ ଟ୍ବେଣ୍ଟି-୨୦ କ୍ରିକେଟ୍ ଖେଳିବା ଦେଖିବାକୁ ମିଳୁଛି। ଏଥିରେ କୋହଲି ଓ ପୋଲାର୍ଡଙ୍କ ସହ ଅଷ୍ଟ୍ରେଲିଆର ଗ୍ଲେନ୍ ମ୍ୟାକ୍ସୱେଲ ଓ ଆଫ୍ଗାନିସ୍ତାନ ଅଧିନାୟକ ରସିଦ୍ ଖାଁଙ୍କୁ ଦେଖିବାକୁ ମିଳୁଛି । ଏହି ସଂଗୀତ ଓ କ୍ଷୁଦ୍ର ଚଳଚ୍ଚିତ୍ର ସାରାବିଶ୍ବରେ ଆଇସିସିର ପ୍ରସାରଣ ଭାଗିଦାରୀ ଷ୍ଟାର୍ ସ୍ପୋର୍ଟସ ସହ ଆଇସିସି, ବିସିସିଆଇ ଓ ଷ୍ଟାର୍ ସ୍ପୋର୍ଟସର ସାମାଜିକ ଗଣମାଧ୍ୟମରେ ପ୍ରସାରିତ ହେବ । ଏହି କ୍ଷୁଦ୍ର ଚଳଚ୍ଚିତ୍ର ଉଭୟ ୩ଡି ଓ ୨ଡିରେ ପ୍ରସ୍ତୁତ ହୋଇଛି । ଏହି ସଂଗୀତ ଓ କ୍ଷୁଦ୍ର ଚଳଚ୍ଚିତ୍ରର ପ୍ରସ୍ତୁତି ପାଇଁ ୪୦ରୁ ଅଧିକ ବ୍ୟକ୍ତି କାମ କରିଥିଲେ। ଏହି ଟ୍ବେଣ୍ଟି୨୦ ବିଶ୍ବକପ୍ରେ ମୋଟ ୧୬ଟି ଦଳ ଭାଗ ନେଉଛନ୍ତି।
Popular Categories
Previous article
Next article