ନୂଆଦିଲ୍ଲୀ : ପ୍ଲାଷ୍ଟିକ୍ ସର୍ଜରୀ ପାଇଁ ଚାଲିଗଲା ଅଭିନେତ୍ରୀଙ୍କ ଜୀବନ। କନ୍ନଡ ଅଭିନେତ୍ରୀ ଚେତନା ରାଜଙ୍କର ଆଜି ଦେହାନ୍ତ ହୋଇଛି। ରିପୋର୍ଟ ଅନୁଯାୟୀ, ପ୍ଲାଷ୍ଟିକ ସର୍ଜରୀ ସମୟରେ ହୋଇଥିବା ଭୁଲ ହେତୁ ତାଙ୍କର ମୃତ୍ୟୁ ଘଟିଛି। ସୋମବାର ଏହି ଅଭିନେତ୍ରୀଙ୍କୁ ‘ଫ୍ୟାଟ୍ ଫ୍ରି’ ଅସ୍ତ୍ରୋପଚାର ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଥିଲା ବୋଲି ଜଣାପଡିଛି। ଅସ୍ତ୍ରୋପଚାର ପରେ ସନ୍ଧ୍ୟାରେ ଅଭିନେତ୍ରୀଙ୍କ ସ୍ୱାସ୍ଥ୍ୟ ହଠାତ୍ ଖରାପ ହେବାକୁ ଲାଗିଲା ଏହାରେ ତାଙ୍କର ମୃତ୍ୟୁ ହୋଇଥିଲା।
ରିପୋର୍ଟରେ ଦର୍ଶାଯାଇଛି ଯେ ଏହି ଅଭିନେତ୍ରୀ ଅସ୍ତ୍ରୋପଚାର ବିଷୟରେ ତାଙ୍କ ପିତାମାତାଙ୍କୁ ଜଣାଇ ନଥିଲେ ଏବଂ ତାଙ୍କ ସାଙ୍ଗମାନଙ୍କ ସହିତ ଡାକ୍ତରଖାନା ଯାଇଥିଲେ।ଡାକ୍ତରଙ୍କ ଅବହେଳା ହେତୁ ଚେତନାଙ୍କ ଜୀବନ ଚାଲି ଯାଇଛି ବୋଲି ତାଙ୍କ ପିତାମାତା ଅଭିଯୋଗ କରିଛନ୍ତି। ସେ କହିଛନ୍ତି ଯେ ଡାକ୍ତରଙ୍କ ଭୁଲ ହେତୁ ତାଙ୍କ ଝିଅଙ୍କର ଅକାଳ ମୃତ୍ୟୁ ଘଟିଛି।
ଚେତନାଙ୍କ ମୃତଦେହ ବର୍ତ୍ତମାନ ଡାକ୍ତରଖାନାରେ ଅଛି। ବ୍ୟବଚ୍ଛେଦ ପାଇଁ ଏହାକୁ ଅନ୍ୟ ଡାକ୍ତରଖାନାକୁ ନିଆଯିବ। ଏଥିସହିତ ଚେତନାର ପରିବାର ସଦସ୍ୟ ନିକଟସ୍ଥ ପୁଲିସ ଷ୍ଟେସନରେ ଡାକ୍ତରଖାନା କମିଟି ବିରୋଧରେ ଅଭିଯୋଗ କରିଛନ୍ତି।
Comments are closed.