ସୁଆଣ୍ଡୋ : କରୋନା ମହାମାରୀ ବିରୁଦ୍ଧରେ ସାରା ଦେଶ ଲଢେଇ କରୁଛି । କରେନା ସଂକ୍ରମଣକୁ ରୋକିବା ପାଇଁ ଲକ୍ ଡାଉନ ଜାରି ରହିଛି । ଦିନକୁ ଦିନ କରୋନା ସଂକ୍ରମଣ ସଂଖ୍ୟା ବଢୁଛି । ଏହାରି ମଧ୍ୟରେ ନିତି କାମ କରି ପେଟ ପୋଷୁଥିବା ଲୋକଙ୍କ ଭବିଷ୍ୟତକୁ ଅନିଶ୍ଚିତତା ମଧ୍ୟକୁ ଠେଲି ହୋଇ ଯାଉଛି । ତାଲା ବନ୍ଦ ଫଳରେ ଚଳଚଞ୍ଚଳ ଜନଜୀବନ ଏକ ପ୍ରକାର ନିଶ୍ଚଳ ହୋଇ ପଡିଛି । ଦେଶର ସବୁ କ୍ଷେତ୍ରକୁ ଏହା ପ୍ରଭାବିତ କରିଛି । ଏବେ ସମସ୍ତ କର୍ମଜିବୀଙ୍କ ପରି କୁମ୍ଭକାର ମାନଙ୍କ ଅବସ୍ଥା ଦୟନୀୟ ହୋଇ ପଡିଲେଣି । ମାଟିରେ ହାଣ୍ଡି କୁଡୁଆ କଳସୀ ପଲମ ଦୀପ ଘଡି ବଢା କୁଞ୍ଚା ଓ ସରା ଆଦି ଗଢି ତାକୁ ବିକ୍ରି କରି ଚଳୁଥିଲେ । ଜଗନ୍ନାଥଙ୍କ ମନ୍ଦିର ଠାରୁ ଆରମ୍ଭ କରି ଲିଙ୍ଗରାଜ ଧବଳେଶ୍ଵର ତାରିଣୀ ସାକ୍ଷୀଗୋପାଳ ଆଦି ଦେବାଳୟ ଗୁଡିକୁ କୁମ୍ଭକାର ବିଭିନ୍ନ ମାଟିର ସାମଗ୍ରୀମାନ ଯୋଗାଇ ଆସୁଥିଲେ । ସେହିପରି ବିବାହ ବ୍ରତ ଜନ୍ମଦିନ ପୂଜାପାର୍ବଣ ମାନଙ୍କରେ ମଧ୍ୟ ବିକ୍ରି କରି ପେଟ ପୋଷୁଥିଲେ । ଏହା ସେମାନଙ୍କର ନିତିଦିନିଆ ବେଉସା ଥିଲା । କିନ୍ତୁ ବର୍ତ୍ତମାନ ଲକ ଡାଉନ ସବୁକିଛି ବନ୍ଦ ରହିଛି । ଯାହା ଫଳରେ ଘରେ ହଜାର ହଜାର ଟଙ୍କାର ହାଣ୍ଡି କୁଡୁଆ ତିଆରି କରି ରହିଥିଲେ ସୁଦ୍ଧା ବିକ୍ରି କରି ନପାରି ବିଚରା ଭୋକ ଓପାସରେ ଦିନ କାଟୁଛନ୍ତି । ଯେତେଦିନ ଯାଏଁ କରୋନା କଟକଣା ରହିଛି ସେତେଦିନ ଯାଏଁ କିପରି ଚଳିବ ଏହି କୁମ୍ଭକାରମାନଙ୍କ ପରିବାରୁ ତାହା ସେମାନଙ୍କ ଚିନ୍ତା ବଢାଇଛି । ତେବେ ସରକାର ସମସ୍ତଙ୍କ ପାଇଁ ସୁବିଧା କରୁଥିବା ବେଳେ କୁମ୍ଭକାର ମାନଙ୍କ ପ୍ରତି ମଧ୍ୟ ଦୃଷ୍ଟି ଦେବାକୁ କୁମ୍ଭକାରମାନେ ଅନୁରୋଧ କରିଛନ୍ତି ।
Popular Categories
Previous article
Next article