ସୋର: ଜିଲାପାଳଙ୍କ ଜନଶୁଣାଣି ଶିବିରରେ ଗଣ୍ଡଗୋଳ ଓ ପିଟାପିଟି ହୋଇଥିବା ସୂଚନା ମିଳିଛି। ଜଣେ ପ୍ରଧାନଶିକ୍ଷକଙ୍କ ବଦଳି ବାତିଲ ଦାବି କରି ଉଭୟ ବିଜେପି-ବିଜେଡ଼ି ମୁହାଁମୁହିଁ ହୋଇଥିଲେ। ଏଥିରେ ତେଣ୍ଟେଇ ପଞ୍ଚାୟତ ସରପଞ୍ଚଙ୍କ ମୁଣ୍ଡ ଫାଟି ଯାଇଥିବାବେଳେ ଉଭୟ ଗୋଷ୍ଠୀର ୩ଜଣ ଆହତ ହୋଇଥିଲେ।

ପଢନ୍ତୁ -ଭାରତରେ ତିଆରି ହେଉଛି ଏମିତି ରାସ୍ତା , ଏଥିରେ ଗଡିବା ବେଳେ ଚାର୍ଜ ହେବ ଗାଡି

ଏଠାରେ ସୂଚନା ଯୋଗ୍ୟ ଯେ ତେଣ୍ଟେଇ ହାଇସ୍କୁଲ ପ୍ରଧାନ ଶିକ୍ଷକଙ୍କ ବଦଳି ବାତିଲ ଦାବି ହୋଇଥିଲା। ବଦଳି ବାତିଲ ଦାବି କରି ଆଜି ଗାଁ ଲୋକେ ଜିଲାପାଳଙ୍କ ଜନଶୁଣାଣି ଶିବିରକୁ ଯାଇଥିଲେ। ଘଟଣାକୁ ନେଇ ଜନଶୁଣାଣି ଶିବିରରେ ବଚସା ଓ ମାରପିଟ ହୋଇଥିଲା। ଏହି ମାରପିଟ ସମୟରେ ତେଣ୍ଟେଇ ପଞ୍ଚାୟତ ସରପଞ୍ଚଙ୍କ ମୁଣ୍ଡ ଫାଟି ଯାଇଥିଲା ଏବଂ ଏହାସହିତ ୩ଜଣ ଆହତ ହୋଇଥିଲେ। ଅପରପକ୍ଷରେ ଘଟଣାସ୍ଥଳରେ ଉପସ୍ଥିତ ବିଇଓଙ୍କୁ ଆକ୍ରମଣକାରୀ ପିଟିଥିବା ସୂଚନା ମିଳିଛି। ଘଟଣାସ୍ଥଳରେ ପୁଲିସ ମୁତୟନ କରାଯାଇଛି ଓ ପରିସ୍ଥିତି ଉପରେ ନଜର ରଖାଯାଇଛି।