ମହାଲକ୍ଷ୍ମୀ ମନ୍ଦିର –
ମୁମ୍ବଇର ମହାଲକ୍ଷ୍ମୀ ମନ୍ଦିର ଏକ ପ୍ରସିଦ୍ଧ ଧାର୍ମିକ ସ୍ଥଳ ଅଟେ। ଏହି ମନ୍ଦିରକୁ ଦର୍ଶନ କରିବା ପାଇଁ ବହୁ ଦୂରଦୂରାନ୍ତରୁ ଭକ୍ତମାନେ ଆସିଥାଆନ୍ତି। ଏହି ମନ୍ଦିର ସହ ବହୁ ପାରମ୍ପରିକ ଓ ଐତିହାସିକ ତଥ୍ୟ ଜଡ଼ିତ ରହିଛି। ଏଠାକୁ ଆସି ଦର୍ଶନ କଲେ ବହୁ ଶୁଭଫଳ ପ୍ରାପ୍ତି ସହ ମନସ୍କାମନା ପୂର୍ଣ୍ଣ ହୋଇଥାଏ।
ଜୁହୁ ଚୋପାଟି –
ମୁମ୍ବଇରେ ବହୁ ପ୍ରସିଦ୍ଧ ସମୁଦ୍ର ତଟ ଅଛି। ମାତ୍ର ଜୁହୁରେ ଥିବା ଜୁହୁ ଚୋପାଟିରେ ଭ୍ରମଣ ଆପଣଙ୍କ ପାଇଁ ଏକ ଭିନ୍ନ ଓ ସ୍ମରଣୀୟ ଅନୁଭୂତି ହୋଇରହିବ। ଘେରି ରହିଥିବା ଉଚ୍ଚ ଉଚ୍ଚ ଅଟ୍ଟାଳିକା ଓ ଜନ ଗହଳି ପୂର୍ଣ୍ଣ ଏହି ସ୍ଥାନରେ ସମୟ ବିତାଇବା ଏକ ଭିନ୍ନ ଅନୁଭବ ସୃଷ୍ଟି କରିଥାଏ। ଖାଦ୍ୟପ୍ରେମୀ ଲୋକଙ୍କ ପାଇଁ ଏହା ଏକ ଗୁରୁତ୍ୱପୂର୍ଣ୍ଣ ସ୍ଥାନ ଅଟେ। ଭେଲପୁରୀ, ଗୁପଚୁପ, ଦୋସା, ବଡ଼ା ପାଓଁ ଏବଂ ମୁମ୍ବଇର ପାରମ୍ପରିକ ଭୋଜନର ମଧ୍ୟ ମଜା ଏଠାରେ ନେଇପାରିବେ।
ଭିଟି ଷ୍ଟେସନ ଓ ଦକ୍ଷିଣ ମୁମ୍ବଇ –
ଛତ୍ରପତି ଶିବାଜୀ ଟର୍ମିନଲ ରେଳ ଷ୍ଟେସନ ୟୁନେସ୍କୋର ସଂରକ୍ଷିତ ସୂଚୀରେ ଥିବା ଏହା ଏକ ଐତିହାସିକ ଓ ପ୍ରସିଦ୍ଧ ସ୍ଥାନ ଅଟେ। ଏହାକୁ ପୂର୍ବରୁ ଭିକ୍ଟୋରିଆ ଟର୍ମିନଲ ବୋଲି କୁହାଯାଉଥିଲା। ୧୯୯୬ରେ ଏହାର ନାମ ବଦଳାଇ ଛତ୍ରପତି ଶିବାଜୀ ଟର୍ମିନଲ୍ ରଖାଗଲା। ଏଠାରେ ଆପଣ ମୁମ୍ବଇର ସୌନ୍ଦର୍ୟ୍ୟକୁ ଅତି ନିକଟରୁ ଦେଖିବା ସହ ସପିଂର ବେଶ ମଜା ନେଇପାରିବେ।
ଗେଟ ୱେ ଅଫ ଇଣ୍ଡିଆ –
ଗେଟ ୱେ ଅଫ ଇଣ୍ଡିଆକୁ ମୁମ୍ବଇର ଜୀବନ ବୋଲି କୁହାଯାଇଥାଏ। ଏହା ଏକ ପ୍ରକାରର ମୁମ୍ବଇର ପ୍ରବେଶ ଦ୍ୱାରା ବୋଲି ମଧ୍ୟ କୁହାଯାଏ। ମୁମ୍ବଇର ଲୋକପ୍ରିୟ ସ୍ଥାନ ମଧ୍ୟରୁ ଏହା ଗୋଟିଏ। ଏଠାକୁ ଆସି ଆପଣ ହୋଟେଲ ତାଜ ଦେଖିପାରିବେ। ସେହି ନିକଟରୁ ହିଁ ଆପଣ ସମୁଦ୍ରକୁ ବୁଲିବା ପାଇଁ ବୋଟର ସୁବିଧା ପାଇପାରିବେ।
ମରିନ ଡ଼୍ରାଇବ –
ମରିନ ଡ଼୍ରାଇବ ଏକ ସୌନ୍ଦର୍ୟ୍ୟ ପୂର୍ଣ୍ଣ ସ୍ଥାନ ଅଟେ। ଗେଟ ୱେ ଅଫ ଇଣ୍ଡିଆ ଠାରୁ ଏହା ଅଳ୍ପ ଦୂରରେ ଅବସ୍ଥିତ। ଏଠାକାର ସୌନ୍ଦର୍ୟ୍ୟ ଏତେ ମନମୁଗ୍ଧକର ଯେ ଆପଣଙ୍କୁ ଏପରି ଲାଗିବ ଯେପରି ପ୍ରକୃତି ନିଜର ସମସ୍ତ ସୌନ୍ଦର୍ୟ୍ୟ ଏଠାରେ ଅଜାଡ଼ି ଦେଇଛି।
Comments are closed.