ଡେସ୍କ : ବ୍ରହ୍ମବିଦ୍ୟା ସମିତିର ସଭ୍ୟା, ସମାଜସେବୀ ଏବଂ ଯାଜପୁର ଜିଲ୍ଲା ମହିଳା କଂଗ୍ରେସର ପୂର୍ବତନ ସଭାନେତ୍ରୀ ସରସ୍ଵତୀ ପତିଙ୍କର ପରଲୋକ ଘଟିଛି। ମୃତ୍ୟୁ ବେଳକୁ ତାଙ୍କୁ ୭୫ ବର୍ଷ ବୟସ ହୋଇଥିଲା। ଗତକାଲି ବିଳମ୍ବିତ ରାତିରେ କଟକ ସିଡିଏ ସ୍ଥିତ ବାସଭବନରେ ତାଙ୍କର ଦେହାନ୍ତ ହୋଇଛି । ସୋମବାର ସକାଳେ ସତିଚଉରା ସ୍ଥିତ ଶ୍ମଶାନରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଛି । ସାନପୁଅ ଭବତୋଷ ମୁଖାଗ୍ନି ଦେଇଥିଲେ।
ସେ ବହୁ ବର୍ଷ ହେବ କର୍କଟ ରୋଗରେ ପୀଡିତ ହୋଇ ଚିକିତ୍ସିତ ହେଉଥିଲେ। ତାଙ୍କର ଶେଷ ଦର୍ଶନ ପାଇଁ ଉତ୍କଳ ବ୍ରହ୍ମବିଦ୍ୟା ସମିତି କଟକ ଶାଖାର ସଭ୍ୟଙ୍କ ସମେତ ବହୁ ବ୍ୟକ୍ତି ସତୀଚଉରା ଠାରେ ପହଞ୍ଚିଥିଲେ। ତାଙ୍କ ସ୍ୱାମୀଙ୍କ ବ୍ୟତୀତ ତାଙ୍କର ଦୁଇ ପୁଅ ଓ ଦୁଇ ଝିଅ ଅଛନ୍ତି ।
Comments are closed.