କଲମପୁର – ଜୁନାଗଡ ବ୍ଲକ ଭତ୍ରାଗୁଡା ଲିଙ୍ଗରାଜ ନାଏକଙ୍କ ଘରୁ ୫ ଫୁଟ୍ ଲମ୍ବର ଏକ ନାଗ ସାପ ଉଦ୍ଧାର କରାଯାଇଛି । ସ୍ନେକ ହେଲ୍ପ ଲାଇନ ସଦସ୍ୟ ବୀରେନ୍ଦ୍ର କୁମାର ସାହୁ ଘଟଣାସ୍ଥଳରେ ପହଞ୍ଚ ସୁରକ୍ଷିତ ଭାବେ ଏହି ନାଗକୁ ଉଦ୍ଧାର କରିଥିଲେ । ପରେ ନିକଟସ୍ଥ ଖସିଗୁଡାରୁ ଅନ୍ୟ ଏକ ନାଗ ସାପକୁ ଉଦ୍ଧାର କରି ସୁରକ୍ଷିତ ଭାବେ ନେଇ ଜଙ୍ଗଲରେ ଛାଡିଥିଲେ ।
ଗତ କିଛି ଦିନ ତଳେ ଜୁନାଗଡ ଏକ ବ୍ୟବସାୟୀଙ୍କ ଘରରୁ ମା’ ନାଗ ସାପ ସହ ତାର ୨୮ ଗୋଟି ଛୁଆ ସାପକୁ ଧରି ସୁରକ୍ଷିତ ଭାବେ ଜଙ୍ଗଲରେ ଛାଡିଥିଲେ । ସେ ସାପ ଧରିବା ପାଇଁ ତାଲିମ ନେଇଥିବା ବେଳେ ସେବା ମନୋଭାବ ପାଇଁ ସାପମାନଙ୍କୁ ଧରିବା ପରେ ସେମାନଙ୍କୁ ନେଇ ସେମାନଙ୍କର ସୁରକ୍ଷିତ ବାସସ୍ଥଳୀ ଜଙ୍ଗଲରେ ଛାଡୁଛନ୍ତି ।
