ବିନିକା : ସୁବର୍ଣ୍ଣପୁର ଜିଲ୍ଲା ବିନିକା ବନ ବିଭାଗ ଅଧୀନ ବାଉଁଶୁଣୀ ପଞ୍ଚାୟତ ଅନ୍ତର୍ଗତ ଫବସୀ ଗ୍ରାମରୁ ରବିବାର ସ୍ନେକ ହେଲ୍ପ ଲାଇନ ସଦସ୍ୟ ଜଣେ ବ୍ୟକ୍ତିଙ୍କ ପୁରୁଣା ପାଇଖାନା ଭିତରୁ ଏକ ୮ ଫୁଟ ଲମ୍ବର ବୋଡ଼ା ଅଜଗର ସ୍ଥାନୀୟ ବନ ବିଭାଗ କର୍ମଚାରୀଙ୍କ ଉପସ୍ଥିତିରେ ଉଦ୍ଧାର କରିଛନ୍ତି। ସୂଚନା ଅନୁସାରେ, ଫବସୀ ଗ୍ରାମର ବିଜୟାନନ୍ଦ ଶାଣ୍ଢଙ୍କ ଘର ପରିସରରେ ଥିବା ଏକ ପୁରୁଣା ପାଇଖାନା ଭିତରେ ଏକ ବୋଡା ଅଜଗର ଥିବା ଦେଖିବା ପରେ ବାଉଁଶୁଣୀ ସ୍ଥିତ ସ୍ନେକ ହେଲ୍ପ ଲାଇନ ସଦସ୍ୟ ଆଲୋକ ରଞ୍ଜନ ହୋତାଙ୍କୁ ଖବର ଦେଇଥିଲେ। ଖବର ପାଇ ଆଲୋକ ହୋତା ସେଠାରେ ପହଞ୍ଚିଥିଲେ ଓ ସ୍ଥାନୀୟ ବନାଞ୍ଚଳ ଗରଗଡବାହାଲ ବିଟ କର୍ମଚାରୀ ନାରାୟଣ ପଧାନଙ୍କ ଉପସ୍ଥିତିରେ ୧୧ କେଜି ଓଜନର ଏହି ବୋଡା ଅଜଗରଟିକୁ ସେଠାରୁ ସୁରକ୍ଷିତ ଭାବରେ ଉଦ୍ଧାର କରି ଆଣିଥିଲେ। ତେବେ ବୋଡା ଅଜଗର ସାପକୁ ବନ ବିଭାଗ କର୍ମଚାରୀ ନାରାୟଣ ପଧାନଙ୍କ ଉପସ୍ଥିତିରେ ନିକଟସ୍ଥ ଗରଗଡବାହାଲ ସଂରକ୍ଷିତ ଜଙ୍ଗଲରେ ଛାଡ଼ି ଦିଆଯାଇଥିବା ସୂଚନା ମିଳିଛି।
Popular Categories
Previous article
Next article