ପାତ୍ରପୁର: ଏକ ରଣାସାପ ଆମ୍ବତୋଟାରୁ ଘର ମୁହାଁ ହେଉଥିବା ବେଳେ ବୁଧବାର ରାତିରେ ତାକୁ ଧରି ଜଙ୍ଗଲରେ ଛଡ଼ାଯାଇଛି। ଗତରାତି ନଅଘଣ୍ଟା ବେଳେ ଭ୍ରମରପୁର ପଞ୍ଚାୟତ ସମାସିଙ୍ଗିଶାସନ ଗ୍ରାମରେ ଦେଖିବାକୁ ମିଳିଛି ଏହି ଘଟଣା। ଗ୍ରାମର ଆମ୍ବ ତୋଟାରୁ ଏକ ରଣାସାପ ଘରମୁହାଁ ହେଉଥିବା ନାରାୟଣ ନାଇକ ଦେଖି ପାଟି କରିଥିଲେ। ଏହା ଶୁଣି ସାମ୍ବାଦିକ ରବୀନ୍ଦ୍ର କୁମାର ମିଶ୍ର ଏବଂ ତାଙ୍କ ସାନ ଭାଇ ଅବସରପ୍ରାପ୍ତ ଯବାନ ତୁରନ୍ତ ସାପ ପାଖରେ ପହଞ୍ଚିଥିଲେ। ତେବେ ସାପଟି ଜଳସେଚନ ବିଭଗର ଏକ ନାଳ ମଧ୍ୟରେ ପଶି ଯାଇଥିଲା। ଦୁଇ ଭାଇ ବହୁ କସରତ ପରେ ସୁରକ୍ଷିତ ସାପଟିକୁ ଉଦ୍ଧାର କରିଥିଲେ। ଏହାପରେ ସାପଟିକୁ ଗ୍ରାମ ବାହୁଦା ନଦୀ ଅପର ପାର୍ଶ୍ୱରେ ଥିବା ନନ୍ଦିଆ ପାହାଡ଼ରେ ଛାଡିଥିଲେ। ଏହି ଗ୍ରାମରେ ବିଭିନ୍ନ ସମୟରେ ବାହାରୁଥିବା ବିଷଧର ସାପଠାରୁ ବିଭିନ୍ନ ପ୍ରକାରର ସାପକୁ ଦୀର୍ଘ ବର୍ଷ ହେଲା ଧରି ଛାଡୁଥିବା ପରମ୍ପରା ରହିଛି। ଗ୍ରାମର ଅଧିକାଂଶ ଯୁବକ ସାପ ଧରି ପାହାଡରେ ଛାଡ଼ୁଛନ୍ତି। ଦୁଇ ମାସ ତଳେ ଗୋଟିଏ ଏଗାର ଫୁଟ ଲମ୍ବର ଅଜଗର ରାତି ସମୟରେ ଧରି ଏହି ପାହାଡରେ ଛଡ଼ା ଯାଇଥିଲା। ତେବେ ଗତକାଲି ଛଡ଼ା ଯାଇଥିବା ସାପଟିର ଲମ୍ବ ପ୍ରାୟ ପାଞ୍ଚଫୁଟ ହେବ।
Popular Categories
Previous article
Next article