ନୂଆଦିଲ୍ଲୀ : ଭାରତୀୟ ନିର୍ବାଚନ କମିସନ (ଇସିଆଇ) ପକ୍ଷରୁ ଶନିବାର ଲୋକସଭା ସମେତ ୪ ରାଜ୍ୟ ଯଥା ଓଡ଼ିଶା, ଆନ୍ଧ୍ରପ୍ରଦେଶ, ସିକ୍କିମ ଓ ଅରୁଣାଚଳ ପ୍ରଦେଶର ବିଧାନସଭା ନିର୍ବାଚନ ପାଇଁ ତାରିଖ ଘୋଷଣା କରାଯାଇଛି। ଏପ୍ରିଲ ୧୯ରୁ ଏକାଧିକ ପର୍ଯ୍ୟାୟରେ ଆରମ୍ଭ ହେଉଥିବା ମତଦାନ ପ୍ରକ୍ରିୟା ଜୁନ ୧ ପର୍ଯ୍ୟନ୍ତ ଚାଲୁଥିବାବେଳେ ଜୁନ ୪ରେ ଉଭୟ ଲୋକସଭା ଓ ବିଧାନସଭା ନିର୍ବାଚନର ଭୋଟଗଣତି ହୋଇ ଫଳାଫଳ ଘୋଷଣା କରାଯିବ ବୋଲି ନିଷ୍ପତ୍ତି ନିଆଯାଇଛି। ତେବେ ଇସିଆଇ ପକ୍ଷରୁ ସିକ୍କିମ ଓ ଅରୁଣାଚଳ ପ୍ରଦେଶ ବିଧାନସଭା ନିର୍ବାଚନର ଗଣତି ତାରିଖ ଜୁନ ୪ ପରିବର୍ତ୍ତେ ଜୁନ ୨କୁ ପରିବର୍ତ୍ତନ କରାଯାଇଛି। ସିକ୍କିମ ଓ ଅରୁଣାଚଳ ଲୋକସଭା ଆସନର ଫଳାଫଳ ପୂର୍ବଭଳି ଜୁନ ୪ରେ ଘୋଷଣା କରାଯିବ ବୋଲି ଇସିଆଇ ସ୍ପଷ୍ଟ କରିଛନ୍ତି। ଇସିଆଇଙ୍କ କହିବା ଅନୁଯାୟୀ ସିକ୍କିମ ଓ ଅରୁଣାଚଳ ବିଧାନସଭାର କାର୍ଯ୍ୟକାଳ ଜୁନ ୨ ସୁଦ୍ଧା ପୂରିଯାଉଛି।
Comments are closed.