ନୂଆଦିଲ୍ଲୀ: ଏନ୍ସିଇଆରଟି ପାଠ୍ୟପୁସ୍ତକ ପ୍ରସ୍ତୁତି ପାଇଁ ଉଦ୍ଦିଷ୍ଟ ୧୯ଜଣିଆ ବିଶେଷଜ୍ଞ ମଣ୍ଡଳୀର ପୁନର୍ଗଠନ କରିଛନ୍ତି ସରକାର। ଏଥିରେ ଲେଖିକା ତଥା ପ୍ରେରଣାଦାୟୀ ବକ୍ତା ସୁଧା ମୂର୍ତ୍ତି, ସଙ୍ଗୀତ ସଂଯୋଜକ ତଥା କଣ୍ଠଶିଳ୍ପୀ ଶଙ୍କର ମହାଦେବନ୍, ଅର୍ଥନୀତିଜ୍ଞ ସଞ୍ଜୀବ ସାନ୍ୟାଲଙ୍କ ସମେତ ଶିକ୍ଷାବିତ୍ ତଥା ବିଭିନ୍ନ କ୍ଷେତ୍ରରେ ପ୍ରତିଷ୍ଠିତ ଅନ୍ୟ ୧୬ଜଣଙ୍କୁ ସ୍ଥାନ ମିଳିଛି। ସେମାନେ ପୁସ୍ତକର ଢାଞ୍ଚା ଓ ବିଷୟବସ୍ତୁ ସହ ଅନ୍ୟ ଶିକ୍ଷା ସାମଗ୍ରୀ ପ୍ରସ୍ତୁତି ତଥା ପାଠ୍ୟଖସଡ଼ା ପ୍ରଣୟନ ସମ୍ପର୍କରେ ପରାମର୍ଶ ଦେବେ। ବିଶେଷଜ୍ଞ ମଣ୍ଡଳୀର ଅଧ୍ୟକ୍ଷ ଭାବେ ଏନ୍ଆଇଇପିଏ କୁଳପତି ଏମ୍.ସି ପନ୍ତଙ୍କୁ ସରକାର ନିଯୁକ୍ତ କରିଛନ୍ତି। ସହକାରୀ ଅଧ୍ୟକ୍ଷ ଭାବେ ପ୍ରିନ୍ସଟନ୍ ବିଶ୍ବବିଦ୍ୟାଳୟର ଗଣିତ ପ୍ରାଧ୍ୟାପକ ମଞ୍ଜୁଲ ଭାର୍ଗବ ନିଯୁକ୍ତ ହୋଇଛନ୍ତି। ସେମାନେ ତୃତୀୟ ଶ୍ରେଣୀରୁ ଦ୍ବାଦଶ ଶ୍ରେଣୀ ପର୍ଯ୍ୟନ୍ତ ସିବିଏସ୍ଇ ଛାତ୍ରଛାତ୍ରୀଙ୍କ ପାଇଁ ଏହି କାର୍ଯ୍ୟ କରିବେ। ସୁଧା ହେଉଛନ୍ତି ଆଇଟି କମ୍ପାନୀ ‘ଇନ୍ଫୋସିସ୍’ର ସହପ୍ରତିଷ୍ଠାତା ଏନ୍. ନାରାୟଣ ମୂର୍ତ୍ତିଙ୍କ ପତ୍ନୀ। ଅନ୍ୟ ସଦସ୍ୟମାନେ ହେଉଛନ୍ତି ଗଣିତଜ୍ଞ ସୁଜାତା ରାମଦୁରାଇ, ବ୍ୟାଡମିଣ୍ଟନ ତାରକା ୟୁ. ବିମଳ କୁମାର, ଭାରତୀୟ ଭାଷା ସମିତି ଅଧ୍ୟକ୍ଷ ଚାମୁ କୃଷ୍ଣ ଶାସ୍ତ୍ରୀ, ସେଣ୍ଟର ଫର ପଲିସି ଷ୍ଟଡିସ୍ ଅଧ୍ୟକ୍ଷ ଏମ୍.ଡି ଶ୍ରୀନିବାସ ପ୍ରମୁଖ।
Popular Categories
Previous article
Next article