ସାକ୍ଷୀଗୋପାଳ: ସତ୍ୟବାଦୀ ଥାନା ଅନ୍ତର୍ଗତ ସୁଆଣ୍ଡୋ ବ୍ରିଜ ନିକଟରେ ସାଗର ସ୍ନାନ ମେଳଣ ପଡିଆରେ ସତ୍ୟବାଦୀ ପୁଲିସ ଏନକାଉଣ୍ଟରରେ ପୁରୀ ସଦର ଥାନା ଅନ୍ତର୍ଗତ ବାଟ ଗାଁର କାଳୁ ଭୋଳ ଆହତ ହୋଇଛନ୍ତି। ୧୦୮ଆମ୍ବୁଲାନ୍ସ ଯୋଗେ ସତ୍ୟବାଦୀ ପୁଲିସ ଆହତ କାଳୁ ଭୋଳଙ୍କୁ ଚିକିତ୍ସା ନିମନ୍ତେ ପୁରୀ ଜିଲା ମୁଖ୍ୟ ଚିକିତ୍ସାଳୟରେ ଚିକିତ୍ସା ନିମନ୍ତେ ଭର୍ତ୍ତି କରିଛନ୍ତି।
ସତ୍ୟବାଦୀ ପୋଲିସ ସୂତ୍ରରୁ ଜଣାପଡିଛି,ଅପରାଧୀ କାଳୁ ଭୋଳ ସୁଆଣ୍ଡୋ ବ୍ରିଜ ନିକଟରେ ସାଗର ସ୍ନାନ ମେଳଣ ପଡିଆରେ ରହିଛି ବୋଲି ସତ୍ୟବାଦୀ ଥାନା ଆଇଆଇସି ବିଜୟ କେତନ ବେହେରା ଏକ ନିର୍ଭରଯୋଗ୍ୟ ଖବର ପାଇଥିଲେ। ଆଇଆଇସି ଶ୍ରୀ ବେହେରା ସଦଳବଳେ ସାଗର ସ୍ନାନ ମେଳଣ ପଡିଆରେ ଚଢ଼ାଉ କରିଥିଲେ। ପୁଲିସକୁ ଦେଖି କାଳୁ ଭୋଳ ଖସିଯିବା ନିମନ୍ତେ ଉଦ୍ୟମ କରି ପୋଲିସ ଉପରକୁ ଏକ ରାଉଣ୍ଡ ଗୁଳି ଚଳାଇଥିଲା। ଗୁଳିଟି ପୋଲିସର ଅତି ନିକଟରେ ଖସି ଯାଇଥିଲା। ସତ୍ୟବାଦୀ ଥାନା ଆଇଆଇସି ଏନକାଉଣ୍ଟର କରିଥିଲେ। ଗୁଳିଟି କାଳୁ ଭୋଳଙ୍କର ଡାହାଣ ଗୋଡ଼ରେ ବାଜିଥିଲା। ଫଳରେ କାଳୁ ଭୋଳ ଘଟଣା ସ୍ଥଳରେ ପଡି ଯାଇଥିଲେ। ସତ୍ୟବାଦୀ ପୁଲିସ ତାଙ୍କୁ ଉଦ୍ଧାର ପରେ ଚିକିତ୍ସା ନିମନ୍ତେ ପୁରୀ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। କାଳୁ ଭୋଳଙ୍କ ନାମରେ ବିଭିନ୍ନ ଥାନାରେ ୧୮ ଗୋଟି ମାମଲା ରହିଅଛି ବୋଲି ପୁଲିସ ସୂତ୍ରରୁ ଜଣାପଡିଛି ।
