ବୌଦ୍ଧ – ରାଜ୍ୟରେ ଶନିବାର ସାରା ଦିନ ଓକିଲ ସଂଘ ଗୁଡିକର ନିର୍ବାଚନ ଅନୁଷ୍ଠିତ ହୋଇଥିବା ବେଳେ ବୌଦ୍ଧର ସିଭିଲ ଓ କ୍ରିମିନାଲ ଓକିଲ ସଂଘର ନିର୍ବାଚନ ମଧ୍ୟ ସଂଘ ପରିସରରେ ଅନୁଷ୍ଠିତ ହୋଇଥିଲା । ଉକ୍ତ ସଂଘର କେବଳ ସଭାପତି ପଦବୀ ପାଇଁ ନିର୍ବାଚନ ଅନୁଷ୍ଠିତ ହୋଇଥିଲା । ଅନ୍ୟ ପଦବୀ ଗୁଡିକ ନିଦ୍ୱର୍ନ୍ଦର ନିର୍ବାଚିତ ହୋଇଥିଲେ । ନିର୍ବାଚନରେ ସଭାପତି ଭାବେ ଶାନ୍ତନୁ କୁମାର ମହାପାତ୍ର ଓ ପ୍ରଶନ୍ନ ସାହୁ ପ୍ରତିଦ୍ୱନ୍ଦୀ ରହିଥିଲେ । ଶନିବାର ସକାଳ ୮ ଟାରୁ ଅପରାହ୍ନ ୩ ଟା ପର୍ଯ୍ୟନ୍ତ ଭୋଟ ଗ୍ରହଣ ହୋଇଥିଲା । ନିର୍ବାଚନରେ ନିର୍ବାଚନ ଅଧିକାରୀ ଭାବେ କୃଷ୍ଣଚନ୍ଦ୍ର ମେହେର ଦାୟିତ୍ୱ ତୁଲାଇଥିଲେ । ସମୁଦାୟ ୬୫ ପ୍ରତିଶତ ମତଦାନ ହୋଇଥିବା ବେଳେ ଭୋଟ ଗଣତିରେ ସଭାପତି ଭାବେ ବରିଷ୍ଠ ଆଇନଜୀବୀ ଶାନ୍ତନୁ କୁମାର ମହାପାତ୍ର ବିଜୟୀ ହୋଇଥିଲେ । ସଂଘର ଉପସଭାପତି ଭାବେ ବିଭୁପ୍ରସାଦ କ୍ଷେତୀ, ସାଧାରଣ ସମ୍ପାଦକ ନିକୁଞ୍ଜ ମାଧବ ବେହେରା, ସହ ସମ୍ପାଦକ ବିକାଶ ରଞନ ସାହୁ, ଓ କୋଷାଧକ୍ଷ୍ୟ ଭାବେ ବିକାଶ ଅଗ୍ରୱାଲା ନିଦ୍ୱର୍ନ୍ଦରେ ନିର୍ବାଚିତ ହୋଇଛନ୍ତି । ପ୍ରକାଶ ଥାଉକି ଚଳିତ ବର୍ଷ ପ୍ରଥମ ଥର ପାଇଁ ଉକ୍ତ ସଂଘର ନିର୍ବାଚନ ହୋଇଥିଲା । ଶ୍ରୀ ମହାପାତ୍ର ପଞ୍ଚମ ଥର ପାଇଁ ସଂଘର ସଭାପତି ଭାବେ ନିର୍ବାଚିତ ହୋଇଛନ୍ତି ।
Popular Categories
Previous article
Next article